Виртемберг

Виртемберг (германски: Württemberg) — историско-географска област во Германија која приближно се совпаѓа со културно-јазичното подрачје на Швабија. Заедно со традиционалните области Баден и Хоенцолерн денес ја сочинуваат сојузната покраина Баден-Виртемберг.

Виртемберг во периодот од 1810 до 1945 г.

Историја

Областа првобитно била во состав на Војводството Швабија. Подоцнежните историски периоди можат да се поделат вака:

• Грофовија Виртемберг (1083–1495)
• Војводство Виртемберг (1495–1803)
• Изборно Кнежевство Виртемберг (1803–1806)
• Кралство Виртемберг (1806–1918)
• Слободна Народна Држава Виртемберг (1918–1945)

По Втората светска војна, областа е поделена на Виртемберг-Баден и Виртемберг-Хоенцолерн поради различните окупациски зони на САД и Франција. Во 1952 г. е ставена во сојузната покраина Баден-Виртемберг. Градот Штутгарт, како историска престолнина на Виртемберг, станал главен град на денешната сојузна покраина.

Поврзано

• Список на земји во Светото Римско Царство
• Хоенцолерн (покраина)
• Виртемберг (замок)

Надворешни врски

• Виртемберг на Ризницата ^?
• „Виртемберг“ на германски, француски и италијански во „Историски речник на Швајцарија“.
• Мал историски речник на Баден и Виртемберг (германски)