Икос

Икос (од грчкиот οίκος, „дом“) — црковна песна во која се прославува некој светител или празник.

Икос во Недела на цариникот и фарисејот. Посен триод, ракопис од почетокот на ХVІ век

Икосите името го добиле затоа што биле пеани по домовите, каде што во молитва ноќите ги минувал Преподобен Роман Слаткопеец. Тој бил нивниот прв составувач според Св. Марко Ефески.

Икосите заедно со кондаците го сочинуваат акатистот. Разликата меѓу икосот и кондакот е во нивната должина. Кондакот е покус, а икосот подолг — кондакот е темата, а икосот нејзиното развивање.

Икосот се наоѓа и во осумгласниците, минеите и трипеснеците. Во нив доаѓа по шестата песна од канонот.

Поврзано

• Акатист
• Канон
• Кондак