Зејгарник ефектот е именуван по литванско-советскиот психолог Блума Зејгарник. Во психологијата, овој ефект се јавува кога полесно се потсеќа човек на една активност која била прекината. Според овој ефект, луѓето подобро ги паметат недовршените или прекинатите задачи отколку завршените задачи. Во гешталт психологијата, ефектот Зејгарник се користел за да се демонстрира општото присуство на гешталт феномените: не само што се појавуваат како перцептивни ефекти, туку и се присутни во когницијата.[1]

Ефектот Зејгарник не треба да се меша со ефектот Овсијанкина. Марија Овсијанкина, колешка на Зејгарник, го истражувала ефектот на прекинот на задачата врз тенденцијата да се продолжи со задачата во следната прилика, а не само сеќавањето на задачата.[2]

Преглед уреди

Психологот Зејгарник првпат го проучувала феноменот откако нејзиниот професор, гешталт психологот Курт Левин, забележал дека келнерот подобро се сеќава на сè уште неплатените нарачки. Меѓутоа, по завршувањето на задачата – откако сите платиле – тој не можел веќе да ги запомни повеќето детали од нарачките. Потоа Зејгарник дизајнирала серија експерименти за да ги открие процесите во овој феномен. Нејзиниот истражувачки извештај беше објавен во 1927 година, во списанието Psychologische Forschung.[3]

Предноста на сеќавањето може да се објасни со теоријата на теренот на Левин: една задача што е веќе започната воспоставува тензија за задачата, што ја зголемува когнитивната пристапност до релевантните содржини.[4] Напнатоста или тензијата се намалува по завршувањето на задачата, но продолжува ако се прекине задачата. Преку континуирана напнатост, содржината е полесно достапна и лесно може да се запомни.[4]

Зејгарник ефектот сугерира дека студентите кои го прекинуваат своето учење за да извршат неповрзани активности (како што е изучувањето на различен предмет или играњето на игра), ќе го запомнат материјалот подобро од студентите кои ги завршуваат студиските сесии без пауза (МекКини 1935; Зејгарник 1927).[5][6]

Харден правилото уреди

Спортскиот писател Мет Мур сугерирал дека ефектот Зејгарник може да го објасни критицизмот против Националната кошаркарска асоцијација затоа што дозволувала слободни фрлања за играч „кој ќе го крене секогаш кога некој ќе им се приближи“.[7] Со секој фаул прекината е играта. Кога постојано се прави ова, се смета дека се гради когнитивна пристрасност против овој потег. Критиката предизвикала промена на правилата. Со оваа промена се казнува оваа активност, позната како Харден правилото, именувана по нејзиниот најистакнат корисник, Џејмс Харден.[8][9]

Критика уреди

Веродостојноста на ефектот е контроверзна.[10]

Неколку истражувања, подоцна извршени во други земји, обидувајќи се да го реплицираат Зејгарниковиот експеримент, не успеаја да најдат било какви значајни разлики помеѓу сеќавањето на „завршени“ и сеќавањето на „незавршени“ (прекинати) задачи (на пр. Ван Берген, (1968).[11]

Употреба уреди

Софтвер уреди

Зејгарник ефектот се користи во некои Софтвер како сервисни системи за побрзо и ефикасно вклучувањето на корисниците (user onboarding).[се бара извор]

Зејгарник ефектот го нагласува „Аха! моментот“ како незавршена задача.[се бара извор]

Вообичаено, Зејгарник ефектот е имплементиран во процесот на игрификација на интеракциите на корисниците. Примери за имплементацијата на овој ефект вклучуваат:

  • Следење на напредок кои ги информираат корисниците колку се блиску до завршување на задачата. На пример, кога корисниците ќе видат порака како „Вашиот профил е 64% завршен“, поверојатно е да потрошат неколку минути за да ги обезбедат сите детали што недостасуваат.
  • Списоци за проверка за да се обезбеди јасен тек чекор-по-чекор при качувањето.

Поврзано уреди

Наводи уреди

  1. Koffka, Kurt (1935). Principles of Gestalt Psychology (англиски). London: Kegan Paul, Trench, Trubner & Co. стр. 334ff. ISBN 978-0-415-86881-5. OCLC 2314654.
  2. Ovsiankina, Maria (January 1928). „Die Wiederaufnahme unterbrochener Handlungen“ [Resumption of Interrupted Tasks]. Psychologische Forschung. 11 (3/4): 302–379. doi:10.1007/BF00410261. Архивирано од изворникот на 2022-02-26.
  3. Zeigarnik, Bluma (1938). „Das Behalten erledigter und unerledigter Handlungen“ [On Finished and Unfinished Tasks] (PDF). Psychologische Forschung. 9: 1–85. Архивирано од изворникот (PDF) на 24 December 2021. pp. 300-314 in W. D. Ellis (Ed.), A Sourcebook of Gestalt Psychology, London: Kegan Paul, Trench, Trubner & Co.
  4. 4,0 4,1 Lewin, Kurt (1935). A Dynamic Theory of Personality: Selected Papers (англиски). McGraw-Hill Book Company, Inc. стр. 243ff. ISBN 978-0-07-037451-5. OCLC 760465262.
  5. Zeigarnik, Bluma (1927). „Das Behalten erledigter und unerledigter Handlungen“ [Remembering completed and uncompleted actions] (PDF) (германски). стр. 300–314. Архивирано од изворникот (PDF) на 24 December 2021.
  6. McKinney, Fred (April 1935). „Studies in the Retention of Interrupted Learning Activities“. Journal of Comparative Psychology. 19: 265–296. CiteSeerX 10.1.1.66.8781. doi:10.1037/h0056005. Архивирано од изворникот на 5 May 2019.
  7. Moore, Matt (4 October 2017). „How the NBA's newly imposed 'Harden Rule' will impact James Harden this season“. CBSSports.com (англиски). Архивирано од изворникот на 6 February 2020. Посетено на 21 April 2020.
  8. Boone, Kyle (September 22, 2017). „The NBA is finally cracking down on James Harden's foul-drawing antics“. CBSSports.com (англиски). Архивирано од изворникот на October 5, 2017. Посетено на October 4, 2017.
  9. „NBA implementing 'Zaza Pachulia,' 'James Harden' rules“. NBCSports.com (англиски). September 21, 2017. Архивирано од изворникот на October 4, 2017. Посетено на October 4, 2017.
  10. Einstein, Gilles O.; McDaniel, Mark A.; Williford, Carrie L.; Pagan, Jason L.; Dismukes, R. Key (2003). „Forgetting of intentions in demanding situations is rapid“ (PDF). Journal of Experimental Psychology: Applied. 9 (3): 147–162. CiteSeerX 10.1.1.5.4816. doi:10.1037/1076-898X.9.3.147. PMID 14570509. Архивирано од изворникот (PDF) на 2016-03-04. [...] there is controversy regarding the reliability of the Zeigarnik effect [...]
  11. Colin M. MacLeod (6 април 2020), „Zeigarnik and von Restorff: The memory effects and the stories behind them“, Memory and Cognition, doi:10.3758/S13421-020-01033-5, PMID 32291585Википодатоци Q91935831


Понатамошно читање уреди

Зејгарник уреди

Други уреди

Надворешни врски уреди