Закон (книга на Томас Ман)

Закон (германски: Das Gesetz) - новела на германскиот писател Томас Ман, напишана во 1943, а објавена во 1944 година.

1904 Лоренс Алма-Тадема - Пронаоѓањето на Мојсеј

Мојсеј од Микеланџело

Осврт кон делото

Ман ја напишал новелата „Закон“ за време на неговиот престој во САД, каде предавал германска книжевност на Универзитетот Принстон. Таа претставува хумористична и дидактична приказна за ослободувањето на Евреите од Египет и примањето на божјите заповеди на планината Синај. Новелата е напишана под влијание на учењето на Фројд и се одликува со голема доза на иронија. Во неа, Ман го истакнува значењето на моралните закони за животот на човечката заедница при што новелата содржи алузии на нацистичкиот режим и на неговиот водач, кому Ман му прорекува пропаст. Напишана по порачка, новелата има „борбена смисла“, а старозаветната тема е обработена рационалистички и за фантастичните настани наоѓа психолошко објаснување, така што од библискиот материјал создава модерна приказна.