Ел Анголо (резерват)
Ел Анголо е резерват за дивеч во северен Перу. Се смета за дел од биосферниот резерват Нороесте, кој ги вклучува националниот парк Серос де Амотапе и националниот резерват Тумбес, како што бил прогласен од УНЕСКО во 1977 година.[1]
| Ел Анголо | |
|---|---|
| Coto de Caza El Angolo | |
МСЗП — Категорија VI (заштитено подрачје под раководство со ресурси) | |
| Место |  ПеруРегион Пиура |
| Најблизок град | Сулана Манкора |
| Координати | 4°18′07″S 80°47′47″W / 4.301865° ЈГШ; 80.79652° ЗГД |
| Површина | 650 km2 (250 ми) |
| Воспоставен(а) | јули 1 1975 |
| Управно тело | SERNANP |
| Мрежна страница | Coto de Caza El Angolo |
Географија
уредиРезерватот Ел Анголо се протега на површина од 65.000 хектари во регионот на Пиура во Перу.[2] Во висина се протега од 200 до 1.200 метри надморска височина.
Клима
уредиТемпературите во резерватот се движат помеѓу 15 °C и 39 °C, со дождовна сезона од декември до април.[2] Препорачливо е да се посети областа по завршувањето на сезоната на дождови.
Екологија
уредиФлора
уредиРезерватот за дивеч Ел Анголо штити дел од сезонски сувиte тропски шуми, загрозен екосистем од кој само 5% е под заштита во Перу.[2] Меѓу растителните видови присутни во областа се: Albizia multiflora, Prosopis pallida, Ceiba trischistandra, Erythrina smithiana, Cordia lutea, Loxopterygium huasango, Geoffroea spinosa, Eriotheca ruizii, Bursera graveolens, Cedrela sp, Terminalia valverdeae, Ficus pertusa, итн.[3][4]
Фауна
уредиБелоопашестиот елен е единственото животно што се смета за дивеч во ова заштитено подрачје.[2][3] Цицачите заштитени во резерватот вклучуваат: пума, јагуар, мексикански мравојад, гвајакилска верверица, сечуранска лисица, итн.[5][6]
Меѓу пријавените птици во областа се: андски тинаму, тихоокеански був, кралски мршојадец, врабец, црвеноглав папагал, андскиот кондор, голема бела чапја, јужноамериканска чапја, гулаб, колибри, итн.[4][7]
Активности
уредиЛовот на трофеи е главната активност, сезоната на лов е од мај до ноември, а единствените животни на дивеч се возрасни машки единки на белоопашест елен.[2] Дозволите за лов мора да бидат координирани со локалниот ловечки клуб кој управува со областа заедно со управниците на паркот.
Други активности во областа се: набљудување птици, пешачење во природа, риболов и научни истражувања.[2][7]
Наводи
уреди- ↑ „Noroeste“. UNESCO - MAB Biosphere Reserves Directory. Посетено на 2017-05-17.
- ↑ 2,0 2,1 2,2 2,3 2,4 2,5 „El Angolo - Servicio Nacional de Áreas Naturales Protegidas por el Estado“. www.sernanp.gob.pe (шпански). Архивирано од изворникот на 2017-05-20. Посетено на 2017-05-12.
- ↑ 3,0 3,1 „COTO DE CAZA EL ANGOLO“. Atractivos Turísticos (шпански). MINCETUR. Архивирано од изворникот на 2018-06-29. Посетено на 2017-05-12.
- ↑ 4,0 4,1 „Coto de Caza El Angolo“. BirdLife Data Zone. Посетено на 2017-05-17.
- ↑ Merrick, Melissa J.; Koprowski, John L.; Gwinn, R. Nathan (2012-01-25). „Sciurus stramineus (Rodentia: Sciuridae)“. Mammalian Species. 44: 44–50. doi:10.1644/894.1. ISSN 0076-3519.
- ↑ Cossíos, E. Daniel (2010). „Lycalopex sechurae (Carnivora: Canidae)“. Mammalian Species. 42 (848): 1–6. doi:10.1644/848.1. ISSN 0076-3519.
- ↑ 7,0 7,1 Barrio, J.; García-Olaechea, D.; More, A. (2015). „The avifauna of El Angolo Hunting Reserve, north-west Peru: natural history notes“. Bulletin of the British Ornithologists' Club. 135 (1): 6–20.
Надворешни врски
уреди- Матична страница (шпански)
- Официјална мапа Архивирано на 9 март 2022 г.