Голема бела чапја
| Голема бела чапја | |
|---|---|
| |
| Возрасна единка | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Штрковидни |
| Семејство: | Чапји |
| Род: | Ardea |
| Вид: | Голема бела чапја |
| Научен назив | |
| Ardea alba Карл Лине, 1758 | |
| Синоними | |
|
Casmerodius albus | |
Големата бела чапја позната и како голема чапја, обична чапја,[2][3][4] е голема, широко распространета чапја. Ја среќаваме во тропските и потоплите региони во светот, a во јужна Европа присуството е локализирано.
Опис
уреди
Големата чапја е со целосно бело перје. Високи се околу 1 m, односно од 80 до 104 см и имаат распон на крилата од 131 до 170 см.[5][6] Тежат од 700 до 1500 gr, или просечно 1 кг.[7] Тие се само малку помали од големата сина чапја или сивата чапја (A. cinerea). Освен по големината големата бела чапја се разликува од другите бели чапји со нејзиниот жолт клун и црни нозе и стапала, иако клунот може да стане потемен, а нозете посветли во време на парење. Во сезона на парење, нежни украсни пердуви се појавуваат на грбот. Мажјаците и женките се идентични во изгледот, а малечките се како возрасните вон сезона на парење.
Таа има бавен лет со згрчен врат. Ова е одлика на чапјите и биковите, што ги разликува од штрковите кои го истегнуваат вратот при летање. Големата бела чапја вообичаено е нема птица, но прави силни звуци со клунот „чук чук чук“.
Систематизација и таксономија
уредиГолемата бела чапја спаѓа во семејството на чапјите, традиционално класифицирајќи ја со штрковите во штрковидните, но нејзини поблиски роднини всушност ѝ се пеликаните од редот на пеликановидните.
Подвидови
уредиИма четири подвида на различни места во светот со ситни разлики. Разликите се однесуваат на боите во сезоната на парење и на големината:
Екологија и статус
уреди
Големата бела чапја е делумно птица-преселница, односно се сели од областите со постудени зими на југ. Живее во колонија на дрвја во близина на големи езера со трски или други мочурливи места. Гради цврсти високи гнезда.
Големата бела чапја генерално е многу успешен вид и иако кон крајот на 19 век во Америка биле убиени голем број чапји заради нивните украсни пердуви, со мерките за заштита, таа во голем број е обновена. Таа добро се приспособува во населените места и често може да се види во мочурливи и влажни места во приградските населби. Во 1953 година големата бела чапја во лет беше избрана за симбол на Националното Одбон друштво, за да се спречи убивањето птици заради нивните перја.[8][9]
Големата бела чапја е еден од видовите на кои се однесува Договорот за заштита на африканско-евроазиските миграторни водени птици (AEWA).
Исхрана
уреди
Големата бела чапја се храни во плитката вода со риби, жаби, мали цицачи, и многу ситни влекачи и инсекти, прободувајќи ги со долгиот и остар клун, стоејќи и чекајќи мирно додека пленот не наиде во дометот на нејзиниот остар клун кој го користи како стрела.
Во културата
уредиГолемата бела чапја се наоѓа на банкнотата на 5 бразилски реали.
Симбол е на Националното Одбон друштво.[10]
Името на древниот Шарипутра, еден од следбениците на Буда значи син на чапјата (покрај другите варијанти), и се вели дека неговата мајка имала очи како големата бела чапја.[11]
Поврзано
уредиБелешки
уреди- ↑ „Casmerodius albus“. IUCN Red List. Version 3.1. International Union for Conservation of Nature. 2010. Посетено на March 6, 2011.
- ↑ Thomas Bewick (1809). „The Great White Heron (Ardea alba, Lin. – Le Heron blanc, Buff.)“. Part II, Containing the History and Description of Water Birds. A History of British Birds. Newcastle: Edward Walker. стр. 52.
- ↑ B. Bruun, H. Delin, L. Svenson. The Hamlyn Guide to Birds to Britain and Europe. London, 1970, 36.
- ↑ Ali, S. (1993). The Book of Indian Birds. Bombay: Bombay Natural History Society. ISBN 0-19-563731-3.
- ↑ [1]
- ↑ „архивски примерок“. Архивирано од изворникот на 2013-06-21. Посетено на 2013-04-02.
- ↑ CRC Handbook of Avian Body Masses by John B. Dunning Jr. (Editor). CRC Press (1992), ISBN 978-0-8493-4258-5.
- ↑ „Timeline of Accomplishments“. National Audubon Society. Посетено на March 6, 2011.
- ↑ „Historical Highlights: Signature Species“. National Audubon Society. Архивирано од изворникот на 2009-03-30. Посетено на March 6, 2011.
- ↑ „Great Egret (Ardea alba)“. National Geographic Society. Посетено на 31 May 2012.
- ↑ http://www.purifymind.com/ExplanatioinHeart.htm
Наводи
уреди- Roger Tory Peterson (1998). Eastern Birds. Peterson Field Guides (4. изд.). New York: Houghton Mifflin. стр. 102. ISBN 978-0-395-91176-1.
- David W. Snow, Christopher M. Perrins, Paul Doherty & Stanley Cramp (1998). The Complete Birds of the Western Palaearctic on CD-ROM. Oxford University Press. ISBN 0-19-268579-1.CS1-одржување: повеќе имиња: список на автори (link)
Надворешни врски
уреди| „Голема бела чапја“ на Ризницата ? |
| „Ardea alba“ на Викивидовите ? |
- Ageing and sexing (PDF) by Javier Blasco-Zumeta & Gerd-Michael Heinze Архивирано на 28 јануари 2012 г.
- Great (White) Egret - Species text in The Atlas of Southern African Birds
- The Great White Egret Архивирано на 1 ноември 2007 г. Image documentation
- Great Egret Information – Cornell Lab of Ornithology
- Great Egret Information – USGS Patuxent Bird Identification InfoCenter
- Ardea alba на Flickr: Field Guide Birds of the World
- Ardea alba на Avibase