Агенција за храна и ветеринарство

Агенција за храна и ветеринарство (АХВ) е еден од самостојните органи на државната управа на Република Македонија и е под директна јурисдикција на Владата на Република Македонија. Дирекцијата за храна е одговорна за вршење на стручните и управните работи во областа на безбедноста на храната и производите и материјалите коишто доаѓаат во контакт со храната.

Агенција за храна и ветеринарство
Лого на Агенцијата
Податоци за органот
Основан	2011
Претходник	Дирекција за храна (2005–2011)
Надлежност	Влада на РМ
Седиште	Скопје, Македонија
Вработени	362 (2022)
Раководител	Оливер Миланов
Мрежно место
fva.gov.mk

Претходникот на агенцијата, Дирекцијата за храна е основана е на 1 јануари 2005 во состав на Министерството за здравство. АХВ е формирана во 2011 година со спојување на Дирекцијата за храна и Управата за ветеринарство. Моментален директор е Оливер Миланов.

Цели и задачи

Основната цел на Дирекцијата за храна е обезбедување на безбедна и квалитетна храна во производството, дистрибуцијата и прометот, заштита на потрошувачите од заблуда и измама, заштита од болести кои потекнуваат или се пренесуваат преку храната, слободен промет на внатрешниот и надворешниот пазар.

Преку државните инспектори за храна се врши контрола во сите фази на производството и прометот со храната, вклучувајќи ги и угостителските објекти и увозот и извозот на храна. Исполнувањето на надлежностите од законската регулатива, овозможува заштита на потрошувачите и обезбедува брзо информирање од областа на храната, со цел заштита на здравјето и животот на луѓето со воспоставување на систем за анализа на ризик, заснована на научни сознанија и спроведена на независен, објективен и транспарентен начин.

Исто така функциите на Дирекцијата за храна се состојат и од преземање на чекори за да се гарантира дека храната на пазарите во Р.М е во согласност со највисоките стандарди за безбедност и хигиена на храната, како и да гарантира дека храната е во согласност со превните барања.

Организациона структура

Дирекцијата за храна се состои од три сектори:

• Сектор за стандарди за храна,
• Сектор за инспекциски надзор и
• Сектор за анализа на ризик

Сектор за стандарди за храна

Во секторот за стандарди за храна се вршат нормативно-правни и стручни работи кои се во функција на извршување на основната дејност на Дирекцијата за храна, човечки ресурси, создавање на стандардите за храна, создавање на политика за заштита на потрошувачите, како и функционирање на информатичко-аналитички систем за логистичка поддршка на целокупното работење на истата. Овој сектор има 5 одделенија:

• Одделение за нормативно и управно-правни работи и човечки ресурси
• Одделение за административни работи и информатичко аналитички систем
• Одделение за заштита на потрошувачите
• Одделение за видови нутритивна храна, додатоци на храна, храна од ГМО и храна произведена со иновирани технологии
• Одделение за обезбедување на квалитет

Сектор за инспекциски надзор

Секторот за инспекциски надзор ги врши работите и задачите што се однесуваат на остварување на функцијата за контрола на храната и производите и материјалите што доаѓаат во контакт со храната, преку следење на спроведувањето на прописите од областа на храната и непосредно учествува во управувањето со ризикот од храната. Овој сектор има исто така 5 одделенија.

Сектор за анализа на ризик

Во овој сектор се врши анализа на ризикот, односно проценка на ризикот и комуникација на ризикот во поглед на безбедноста на храната, со цел навремено превенирање на сите потенцијални опасности, како и примена на научни согледувања во однос на безбедноста на храната и овозможување на мегународна соработка од интерес за функционирање на Дирекцијата. Секторот ја планира, подготвува, следи и евалуира мониторинг програмата за безбедност на храната. Секторот е контакт точка за Македонија за системот РАСФФ од ЕУ и воспоставува систем за навремено предупредување во однос на безбедноста на храната. Овој сектор е составен од 4 одделенија и тоа:

• Одделение за проценка на ризикот
• Одделение за комуникација и информација со ризик
• Одделение за научно-стручни работи и поддршка за меѓународни проекти
• Одделение за мониторинг програма за безбедноста на храната

Органограм на Дирекцијата за храна

Поврзано

• Министерство за здравство на Република Македонија
• Д С З И
• Агенција за лекови и медицински средства на Република Македонија

Надворешни врски

Дирекција за храна на министерското мрежно место Архивирано на 1 август 2008 г.