Дионисиј III Цариградски
Дионисиј III Цариградски (? - 1696) — грчки духовник и вселенски патријарх од 1662 до 1665 г.[1]
| Дионисиј III Цариградски | |
|---|---|
| Вселенски патријарх | |
 Дионисиј III | |
| Црква | Цариградска патријаршија |
| Претходник | Партениј IV |
| Наследник | Климент |
| Редови | |
| Чин | патријарх |
| Лични податоци | |
| Роден | ? Андрос, Грција |
| Починал | 1696 Света Гора |
| Националност | Грк |
Животопис уреди
Роден е на островот Андрос во семејството Вардалис, Пардалис или Спанос (Βαρδαλής, Παρδαλίς, Σπανός). Од 1652 до 1662 г. служел како лариски митрополит. Во 1659 г. ја презема и Пруската (Бурсенска) епархија по бесењето на митрополитот Гавриил Бурсенски на 30 април 1657 г.
Во 1662 г. е избран за вселенски патриајрх. По негова иницијатива, во 1663 г. Мануил Костурски ја основа Големата народна школа во Цариград, која потоа е прогласена за Патријаршиска академија. Се вклучува и во црковните спорови во Русија, предизвикани од промените на патријархот Никон.
На 21 октомври 1665 г. се повлекува од престолот и во 1666 г. ја возглавува Солунската епархија.[2] Во 1669 г. оди во Ерусалим, а потоа се сместува на Света Гора. Таму ги обновува Големата Лавра и скитот „Света Ана“, каде потоа живее.[3] Таму умира, и погребан е на 14 октомври 1696 г.[4]
Наводи уреди
- ↑ Venance Grumel, Traité d'études byzantines, «I. La Chronologie», Presses universitaires de France, Paris, 1958, стр. 438.
- ↑ ΚΑΤΑΛΟΓΟΣ ΕΠΙΣΚΟΠΩΝ ΤΗΣ ΑΠΟΣΤΟΛΙΚΗΣ ΕΚΚΛΗΣΙΑΣ ΤΗΣ ΘΕΣΣΑΛΟΝΙΚΗΣ
- ↑ „Η Σκήτη της Αγίας Άννης“. Patfinder. Архивирано од изворникот на 2016-12-04. Посетено на 11 февруари 2013.
- ↑ „Διονύσιος Γ´“. Οικουμενικό Πατριαρχείο. Посетено на 11 февруари 2013.
| Претходник Партениј IV |
Цариградски патријарх 1662-1665 |
Наследник Климент I |