Дејан Бодирога

Дејан Бодирога
	;
Лични информации
Роден на	2 март 1973 (51 г.)
Роден во	Клек, СФРЈ
Националност	Југославија; Србија и Црна Гора; Србија
Висина	2,05 м
Тежина	110 кг
Позиција	крило
Информации за кариерата
Драфт	1995 / Рунда: 2 / Пик: 51
Избран од:	Сакраменто Кингс
Проф. кариера	1989—2007
Сениорски клубови
Години:	Клубови:
1989–1990; 1990–1992; 1992–1994; 1994–1996; 1996–1998; 1998–2002; 2002–2005; 2005–2007	Пролетер Зрењанин; Задар; Трст; Олимпија Милано; Реал Мадрид; Панатинаикос; Барселона; Виртус Рома
Репрезентација
1991–1992; 1992–2003; 2003–2005	Југославија; СР Југославија; Србија и Црна Гора

Дејан Бодирога (роден на 2 март 1973 година) — поранешен српски кошаркар, кој играл на позицијата крило,^[1] но исто така бил користен и како крилен центар и на бековските позиции.

Во својата кариера играл за екипите на Пролетер Зрењанин, Задар, Палаканестро Трст, Олимпија Милано, Реал Мадрид, Панатинаикос, Барселона и Виртус Рома. Се смета за икона на Евролигата во почетокот на 2000-тите, освојувајќи три титули во четири години во периодот 1999-2003 (две со Панатинаикос и една со Барселона) и на двапати бил избран за најкорисен играч на фајнал форот. Меѓу многуте почести, Бодирога бил избран и во 50 личности кои најмногу придонеле во Евролигата. Се смета за еден од најдобрите играчи кој никогаш не заиграл во НБА лигата.^[2]

Бодирога играл за три различни репрезентации во периодот од 1991-2005: Југославија (1991-1992), СР Југославија (1992-2003) и Србија и Црна Гора (2003-2005). Со репрезентацијата на СР Југославија Бодирога освоил сребро на Олимписките игри 1996, две Светски првенства (1998 и 2002) и 3 Европски првенства (1995, 1997 и 2001).

Двапати бил прогласен за најдобар спортист на СР Југославија во 1998 и 2002 година во избор на весникот Спорт.