Гуанган

За други значења на поимот, погл. Гуанган (реон).

Гуанган (кин. 广安, пинјин: Guǎng'ān) е град во источниот дел на покраината Сечуан, Кина. Градот е најпознат како родно место на прочуениот премиер и реформатор Денг Сјаопинг, наречен „Творецот на современа Кина“. Гуанган се протега меѓу ридовите на централен Сечуан и источните клисури. Заради неговото стратешка местоположба, градот се нарекува „премин кон источен Сечуан“.

Гуанган 廣安
Окружен град
кинески транскр.
• Упростено	广安
• Традиционално	廣安
• пинјин	Guǎng'ān
Местоположбата на округот Гуанган во рамките на Сечуан
Земја	НР Кина
Покраина	Сечуан
Управа
• Партиски секретар	Ванг Џиенџин
• Градоначалник	Хоу Сјаочун
Површина
• Вкупна	6.344 км2 (2,449 ми2)
Најг. вис.	&100000000000017040000001.704 м
Најм. вис.	&10000000000000185000000185 м
Население
• Вкупно	4,443,000
• Густина	700/км2 (1,800/ми2)
Час. појас	Кинеско стандардно време (UTC+8)
Повик. бр.	0826
Мреж. место	guang-an.gov.cn

Географија и клима

Гуанган е сместен на благо наклонето земјиште долж рабовите на Сечуанската Котлина. Површината изнесува 6.344 км². Источниот дел е планински, централниот е ридест, додека пак западниот е релативно рамен. Теренот се движи од 185, па сè до 1704 метри надморска височина. Поважни реки во областа се Чи (渠江) која тече низ средиштето и Џалинг (嘉陵江) која тече низ западниот крај.

Климата е умерена и монсунска. Просечната температура се движи од 15,8° до 17,7 °C. Зимите се благи, а летата врели. Просечното количество врнежи изнесува 1000–1500 mm. Во годината има 310-324 денови без мраз. Зимата и пролетта се релативно суви, но затоа летото има обилни дождови. Есента се одликува со речиси постојани вржени и слаб ветер.

Административна поделба

Гуанган има 1 град, 3 околии, 87 помали градови и 2.886 села, со вкупно население од 4.443.000 жители .

Реони:

• Гуанган (广安区)

Околии:

• Јуечи (岳池县)
• Вушенг (武胜县)
• Линшуј (邻水县)

Град:

• Хуајинг (华蓥市)

Сообраќај

• Кинеска магистрала 212

Стопанство

Стопанството на Гуанган претежно се состои од експлоатација на природни ресурси. Земјата е богата со минерални лежишта, а почвата е особено погодна за обработка.

Туризам

Во блиското селото Пајфанг се наоѓа музеј-куќата на Денг Сјаопинг (牌坊村). Гуанган има особено убава природна околина со многубројни планини и клисури кои денес се паркови.

Наводи

• Истоимената статија на кинеската википедија.

Надворешни врски

• Службена страница