Грб на Бугарија
Грбот на Бугарија е дефиниран во Уставот на Република Бугариjа од 1991 година и претставува исправен златен лав на црвено поле во формата на штит.[1]
| Грб на Бугарија | |
|---|---|
 | |
| Подробно | |
| Усвоен | 1997 |
| Штит | Црвено, златен исправен крунисан лав |
| Држачи | 2 златни крунисани лавови |
| Подножје | две вкрстени дабови гранки со желади |
| Мото | Обединувањето ја прави силата |
| Други елементи | Штитот е крунисан со царската круна на второто Бугарско Царство украсена со 5 крста и 1 крст на целата круна |
Блазон
уредиБлазонот на бугарскиот грб е детално опишан во посебен Закон за државниот грб, донесен од Народното собрание во 1997 година.[2] Грбот на Република Бугарија претставува исправен златен крунисан лав на црвено поле во форма на штит. Над штитот има круна со пет крста и над самата круна има еден исправен крст. Штитот го држат два златни крунисани лавови во исправена положба, свртени кон штитот од лева и десна хералдичка страна. Тие стојат врз две вкрстени дабови гранки со желади. Под штитот има бела лента со тробоен кант на која со златни букви е испишано на бугарски „Съединението прави силата“ или во превод „Обединувањето ја прави силата“.
Историjа
уреди
Стилизирани слики на лав постојат уште во Првото Бугарско Царство. Лавот како симбол на власт, сила и храброст е еведентиран и во Второто Бугарско Царство (1185-1396). Најстариот бугарски грб со хералдички лав датира од 1295 г. Во периодот на царот Иван Шишман (1371–1395), последниот цар ва Второто Бугарско Царство, анонимен арапски патешественик опишал и насликал грб на штитовите на царската гарда на Трново.[3]
По паѓањето на Бугариjа под отоманска власт во краjот на 14 век традициjата на лавот како главен бугарски симбол била зачувана во западноевропските и илирските грбовници во неколку верзии. Во почетокот на 18 век хрватскиот хералдичар Павао Ритер Витезовиќ направил промена во блазонот на бугарскиот грб и ставил еден златен исправен лав на црвен штит.[4] Овоj блазон бил прифатен и од Христофор Жефарович во неговата „Стематографиjа“ од 1741 година. Верзиjата од „Стематографиjа“ добила голема популарност меѓу бугарските преродбеници и револуционери во 19 век, а златниот исправен лав се сфаќал како наjпрепознатлив бугарски национален симбол.
По ослободувањето на Бугариjа во 1878 година во првиот бугарски устав како државен грб бил опишан токму блазонот на Жефарович. Во 1879 година на штитот, челенката и круната се додале подножје и мантиjа. Бидеjки во периодот 1880-1926 немало посебен закон за грб, истовремено се користеле и малиот и големиот грб. Грбот бил конечно правно дефиниран и опишан во 1927 година, кога била прифатена средна форма со штит, челенка, круна, држачи, подножjе и девиза.[5] Таа верзија се зачувала до 1947 година, кога (по комунистичкиот преврат од 1944) бил создаден нов грб со тркалезна сина позадина и исправен златен лав, окружени од два снопа на житни класи, поврзани на врвот со црвена петокрака и во основата со црвени и тробоjни ленти.[6] По паѓањето на комунистичкиот режим во 1989 година и по долг период на вжештени партиски дебати во 1997 година било донесено решение за враќање на историскиот грб од периодот 1927-1946 со нов дизаjн.[7]
Галериjа
уреди-
Грб на Бугариjа од периодот на царот Иван Шишман (1371–1395) -
Грб на Бугариjа од „Стематографиjа“ на Хр. Жефарович од 1741 година -
Грб на Бугариjа во периодот 1880-1926 -
Грб на Бугариjа во периодот 1927-1946 -
Грб на Бугариjа во периодот 1946-1947 -
Грб на Бугариjа во периодот 1947–1968 -
Грб на Бугариjа во периодот 1968-1971 -
Грб на Бугариjа во периодот 1971-1990
.jpg)
.png)
.svg)
.svg)
.svg)
.svg)
.svg)
Наводи
уреди- ↑ Член 164 од Уставот на Република Бугариjа Архивирано на 28 ноември 2010 г..
- ↑ Членови 1, 2 и 3 од Законот за грб на Република Бугариjа.[мртва врска]
- ↑ „Иван Воjников, "Историjа на бугарските државни симболи", глава II“. Архивирано од изворникот на 2016-06-16. Посетено на 2008-10-30.
- ↑ „Иван Воjников, "Историjа на бугарските државни симболи", глава III, дел 2“. Архивирано од изворникот на 2008-07-20. Посетено на 2008-10-30.
- ↑ „Иван Воjников, "Историjа на бугарските државни симболи", глава IV, дел 1“. Архивирано од изворникот на 2017-06-22. Посетено на 2008-10-30.
- ↑ „Иван Воjников, "Историjа на бугарските државни симболи", глава V.“. Архивирано од изворникот на 2016-09-13. Посетено на 2008-10-30.
- ↑ „Иван Воjников, "Историjа на бугарските државни симболи", глава VI“. Архивирано од изворникот на 2016-09-13. Посетено на 2008-10-30.