Випала

Випала (ајмарски и кечуански: Wiphala) e знаме или амблем во форма на квадрат кој го користат, и ги претставува, староседелските народи на Андите во денешни Боливија, Перу, Еквадор и делови од Аргентина, Чиле и Колумбија. Денес има неколку верзии на випалата, кои потекнуваат од випалата на Тавантинсују и секоја покраина на Тавантинсују имала своја випала.

Випала од Куласују, едно од официјалните знамиња на Боливија.

Випалата е составена од 49 квадрати во седум разлиучни бои распоредени дијагонално. Распоредот на боите е во зависност од тоа која покраина на Тавантинсују го користела. Така на пример, најдолгата дијагонална централна боја ги претставувала покраините, односно: белата Куласују, жолтата Кунтисују, црвената Чинчајсују и зелената Антисују (иако има и алтернативна верзија за ова знаме). Випалата се користела и од Тупак Катари, а денес и во градот Куско, но тоа знаме е составено од седум хоризонтални ленти наместо квадрати.

Според членот 6 од уставот на Боливија, випалата е исто така официјално знаме на државата покрај старото трибојно.

Бои

Випалата е составена од 7 бои - боите на виножитото. Значењето на боите е:

• црвена: земјата и андските луѓе
• портокалова: општеството и културата
• жолта: енергијата
• бела: времето
• зелена: природни извори
• сина: небото
• виолетово: андската влада и самоопределувањето

Випали

• 
  Куласују
• 
  Кунтисују
• 
  Чинчајсују
• 
  Антисују
• 
  Тупак Катари

Поврзано

• Тавантинсују
• Инки
• Кечуани
• Ајмари
• Знаме на Боливија

Надворешни врски

• Випала Архивирано на 24 декември 2005 г.
• Emblema Nacional del Pusinsuyo Архивирано на 18 ноември 2012 г.
• Историја на випалата Архивирано на 15 март 2009 г.
• „Гваман Пома “- хроника