Виктор Димовски
Виктор Димовски (26 мај 1959 во Битола) — македонски разузнавач и дипломат, тековен директор на Агенцијата за национална безбедност (АНБ).
| Виктор Димовски | |
|---|---|
| Директор на Агенција за национална безбедност | |
| На должноста | |
| Стапил 1 септември 2019 | |
| Директор на Агенција за разузнавање | |
| На должноста 11 септември 2007 – 9 јуни 2009 | |
| Претходник | Кире Наумов |
| Наследник | Александар Боцинов |
| Лични податоци | |
| Роден(а) | 26 мај 1959 Битола, НР Македонија, ФНР Југославија |
| Народност | Македонец |
| Партија | СДСМ |
Животопис уреди
Виктор Димовски е роден на 26 мај 1959 година во Битола. Во 1982 година дипломира на Правниот факултет во Скопје. Од 1982 до 1995 година работи во секретаријатот за внатрешни работи на Социјалистичка Република Македонија односно Министерството за внатрешни работи (МВР) на Република Македонија, поточно Службата за државна безбедност (СДБ), подоцна Дирекција за безбедност и контраразузнавање (ДБК).[1] Во 1996 година ја завршува француската Национална школа за администрација (француски: École nationale d'administration). Од 1996 година работи во Министерството за надворешни работи (МНР) на Република Македонија. Од 1996 до 2001 година е помошник министер за надворешни работи — раководител на секторот за Балканот односно за Југоисточна Европа. Од 2001 до 2003 година е државен советник во МНР. Од 2003 односно 2004 до 2007 година е вонреден и ополномоштен амбасадор на Република Македонија во Србија и Црна Гора односно Израел. Во 2007 година е именуван за директор на Агенцијата за разузнавање (АР) и истата функција ја извршува до 2009 година.[2][3] Од 2009 до 2017 година е амбасадор. Во 2011 година магистрира, а во 2015 година докторира политички науки на Универзитетот „Свети Кирил и Методиј“ во Скопје. Во 2017 година е именуван за државен секретар во МНР. Од 2019 година е директор на Агенцијата за национална безбедност (АНБ), наследничка на Управата за безбедност и контраразузнавање (УБК).
Наводи уреди
- ↑ Павловска, Јасминка (24 ноември 2018). „Избран моделот за реформа на УБК, се чека кормиларот“. Нова Македонија. Посетено на 18 ноември 2022.
- ↑ „Виктор Димовски е именуван за прв разузнавач“. Канал 5 / www.time.mk архива. 11 септември 2007. Посетено на 18 ноември 2022.
- ↑ Димитриевски, Александар (9 јуни 2009). „Претседателот Иванов го разреши директорот на Агенција за разузнавање Виктор Димовски“. Алфа / www.time.mk архива. Посетено на 18 ноември 2022.
Надворешни врски уреди
- „Директор“. Агенција за национална безбедност. Архивирано од изворникот на 18 ноември 2022. Посетено на 18 ноември 2022.