Википедија:Уредувачки натпревари/Средување (2024)

Уредувачки натпревар за средување на статии   од 4 ноември до 3 декември 2024 година   Уредувачки натпревар за средување на статии — проект на здружението на граѓани „Викимедија МКД“ и Википедија на македонски јазик, кој има за цел да помогне во средувањето на постоечките статии. Натпреварот почнува на 4 ноември 2024 г. во 00:00 ч. и завршува на 3 декември 2024 г. во 23:59 ч. по македонско време. Доколку сте заинтересирани за учество, пријавете се подолу (со напатствија). Основни информации Правила за учество На натпреварот може да учествуваат сите регистрирани корисници на Википедија на македонски јазик, освен членовите на оценувачкиот одбор, коишто ги исполнуваат следните два критериума: 1) да имаат направено најмалку 5.000 уредувања на Википедија на македонски јазик до времето на започнување на натпреварот и 2) да се поминати најмалку пет години од времето на првото уредување на Википедија на македонски јазик до времето на започнување на натпреварот. За најуспешните учесници се обезбедени награди. Главна цел на натпреварот е средување на статии коишто до времето на започнување на натпреварот биле обележани со предлошките {{Внимание}}, {{Викификација}} и {{Без извори}}, како и статии во коишто има проблеми со прикажувањето на некои параметри. Во случај да се работи за кратки статии коишто се обележани со наведените предлошки, покрај средувањето се охрабрува нивно содржинско дополнување. Учесниците треба да средуваат постоечки статии, а бодувањето ќе се врши во поглед на големината на статијата и квалитетот на севкупното средување. Сите статии треба да бидат уредени во склад со начелата и правилата на Википедија, па така сите статии треба да бидат напишани на енциклопедиски стил и да имаат извори. Статиите напишани со помош на бот или со помош на алатката за превод, како и новосоздадените статии нема да бидат признаени. При уредување на натпреварот или по неговото завршување, сите учесници треба да се запишат со кои статии учествувале. Оценување Статиите ќе ги прегледува Оценувачки одбор којшто ќе биде составен од тројца википедијанци кои не можат да учествуваат на натпреварот. Оценувачкиот одбор ќе ја донесе конечната одлука за победникот. Членовите на оценувачкиот одбор ќе ги прегледаат сите статии и секоја ќе ја бодуваат поединечно со бодови од 1 до 10. Член на Оценувачкиот одбор може да даде и оцена 0 доколку смета дека статијата воопшто не ги задоволува условите на натпреварот (на пример, да има различна тема од зададената). Оцена 0 автоматски ќе биде доделена во следните случаи: утврдено е дека статијата е средена со помош на алатката за превод; утврдено е дека статијата не била обележана со предлошка за средување пред почетокот на натпреварот; утврдено е дека се работи за новосоздадена статија; статијата содржи зборови коишто се напишани на странски јазик и со странско писмо, а се јавуваат во текстот, инфокутијата или категориите (Внимание: Наводите се оставаат во првобитниот облик и не се преведуваат.); и статијата содржи неразбирливи реченици коишто немаат смисла во македонскиот јазик. Рангирање Рангирањето на учесниците ќе биде извршено врз основа на доделените бодови од страна на Оценувачкиот одбор. Победник на натпреварот ќе биде учесникот кој ќе освои најмногу бодови и ги задоволува останатите критериуми за доделување награда. Список на натпреварувачи Евиденција Додајте го своето име доколку сакате да учествувате, користејќи тараба и четири тилди. Воедно, пријавете и на страницата „Евиденција“ наведена погоре, каде што ќе создадете и своја лична страница за следење на Вашите придонеси. Тиверополник Carshalton Chnitke Членови на Оценувачкиот одбор Kiril Simeonovski (О1) Ehrlich91 (О2) Инокентиј (О3) Станете член на Оценувачкиот одбор за следните уредувачки натпревари, преку испраќање порака на корисникот Ehrlich91. Материјали за користење На натпреварот се препорачува да се средуваат статиите коишто се достапни во следните категории: Статии за средување; и Статии со неважечки параметар за датум во предлошките. Награди Наградите за овој натпревар се предвидени да бидат вредносни купони за книги и техничка стока. Наградите ќе бидат купени по завршувањето на уредувачкиот натпревар во вид на ваучери од продавница со седиште во Македонија. Доколку сакате ваучер од специфична продавница, наведете по завршувањето или за време на траењето на натпреварот. Одбраните корисници на наградите ќе бидат контактирани како да си ги подигнат наградите. На натпреварот ќе се доделат три награди за најдобрите тројца уредници, кои ќе бидат прогласени по оценувањето на статиите од страна на Оценувачкиот одбор Награда ќе биде доделена и за најдобрата статија, која исто така ќе биде прогласена од страна на Оценувачкиот одбор Награда ќе биде доделена и за најдобриот нов учесник, односно корисник кој претходно не учествувал на уредувачките натпревари. Секој учесник има право на најмногу две награди во сите категории. Важно: За да се освои било која награда, потребно е да се создадат или подобрат најмалку 25 статии оценети со просечна оценка од најмалку 2,0 од страна на членовите на Оценувачкиот одбор. Посебно изненадување: Сите учесници во натпреварот коишто ќе уредат најмалку 20 статии ќе добијат посебно изненадување доколку во натпреварот вкупно бидат уредени најмалку 500 статии. I награда Вредносен купон во вредност од 12.000 денари. II награда Вредносен купон во вредност од 6.000 денари. III награда Вредносен купон во вредност од 3.000 денари. Награда за најдобра статија Вредносен купон во вредност од 5.000 денари. Награда за најдобар нов учесник Вредносен купон во вредност од 2.000 денари.