Велгошки манастир „Св. Илија“

Велгошки манастир „Св. Илија“ — манастир во југозападна Македонија, во близина на селото Велгошти.

Велгошки манастир „Св. Илија“

Портата во манастирот
Информации
Целосно име	Велгошки манастир „Св. Илија“
Други имиња	Манастир „Свети Илија“
Манастир на:	МПЦ - ОА
Посветен на	Свети Илија
Епархија	Дебарско-кичевска
Цркви	Црква „Св. Илија“
Личности
Место
Место	во близина на Велгошти, Општина Охрид Македонија
Координати	41°7′58″N 20°50′51″E
Видливи остатоци	една црква, помошни објекти, трпезарија
Отворен за јавноста	да
Други информации	(Велгошка парохија)

Местоположба

Манастирот се наоѓа над селото Велгошти. До неговите порти води асфалтиран пат.

Градби

Во склоп на манастирот влегуваат една црква, спомен-куќа, спомен-чешма, помошни објекти и трпезарија.

Црква „Св. Илија“

Главна статија: Црква „Св. Илија“ - Велгошти

Црквата била подигната во 1937 година и истата била значително обновена во 1970 година. За истата се верува дека е подигната на темели на постара градба.

Други објекти

Мештаните имаат подигната спомен-куќа и спомен-чешма во рамки на манастирот.

Овие два објекти биле подигнати во чест на бурните моменти случени во близината на манастирот над селото Велгошти во текот на 1940-тите години. Тогаш имало судири помеѓу мештаните и жители од Охрид со српската жандармерија и со бугарската фашистичка војска.

Собири

Секоја година, манастирот организира општонароден собир на празникот Ѓурѓовден и на празникот Илинден. На првиот празник доаѓаат мештаните, додека на вториот празник покрај мештаните, на излет доаѓаат многу други гости.

Галерија

• 
  Уредениот двор
• 
  Манастирската чешма
• 
  Поставени клупи
• 
  Натписот на чешмата