Бел Стар (филм од 1941)
„Бел Стар“ (англиски: Belle Starr) – американски филм од 1941 година, во режија на Ирвинг Камингс (Irving Cummings) по сценариото на Ламар Троти (Lamar Trotti), Нивен Буш (Niven Busch) и Камерон Роџерс (Cameron Rogers). Главните улоги ги толкуваат: Џин Тирни (Gene Tierney), Рандолф Скот (Randolph Scott), Дејна Ендрјус (Dana Andrews), Шепард Страдвик (Shepperd Strudwick), Елизабет Патерсон (Elizabeth Patterson) и Чил Вилс (Chill Wills). Филмот е заснован врз вистинска историска личност, познатата одметничка од Југот на САД, Бел Стар (Belle Starr), но не ја прикажува нејзината биографија.[1]
Синопсис уреди
Дејствието на филмот се одвива во Мисури, непосредно по завршувањето на Граѓанската војна во САД. Додека нејзиниот брат Ед (го игра Страдвик) се борел на страната на Југот, преубавата и пркосна Бел Ширли (ја игра Тирни) се грижела за семејниот имот. Ед се враќа дома, свесен дека војската на Југот е поразена, но Бел не сака да ја прифати стварноста. На својот имот, тие приредуваат свечена вечера на која е повикан и офицерот Томас Грејл (го игра Ендрјус), кој е вљубен во Бел. За време на вечерата, во куќата пристигнува злогласниот одметник од Југот, капетанот Сем Стар (го игра Скот) и меѓу него и Бел веднаш се раѓа љубов...
Наводи уреди
 | Оваа статија филм е никулец. Можете да помогнете со тоа што ќе ја проширите. |