Багет
Багет или француски леб (француски: baguette) – леб со специфични својства, карактеристичен според односот меѓу кората и средата на самиот производ. Тоа е производ со големо учество на кората во однос на вкупната грамажа на производот, па со самото тоа така е обликуван – со долгнавест кружен облик, со мал пресек.
 Типични багети | |
| Други имиња | Француски леб |
|---|---|
| Вид | леб |
| Дел од оброкот | предјадење или главен оброк |
| Место на потекло | Франција |
| Творец | непознат |
| Главни состојки | брашно, вода, квас, сол |
| Варијанти | Бан ми |
| 263 ккал (1101 кЏ) | |
| Други информации | glycaemic load 47 (100g)[1] |
Изглед уреди
Вообичаените димензии на багетот се: ширина 5-6 см, висина 3-4 см и должина околу 65 см. Тежи околу 250 грама.
Кората на багетот е многу крцкава и има златеста боја, додека внатрешноста, средата, е бела и мека. Начелно, багетот си го враќа обликот доколку биде притиснат и тоа е мерило дали лебот е квалитетен.
Историја уреди
Багетот е познат како еден од типичните симболи на Франција и особено на Париз. Како и виното, беретката и сирењето, багетот станал симбол иако постојат и други видови леб во Франција, а багетот денес се наоѓа во многу земји во светот.
Обликот на багетот предизвикувал чудење и љубопитство кај посетителите на Франција уште во XIX век[2],[3]. Сепак, неговото точно потекло не е познато.
Можно потекло уреди
Според една варијанта, своето потекло багетот им го должи на Наполеоновите походи. Дотогаш лебот бил тркалезен за подобро да се чува. Новиот облик бил измислен од пекарниците на Наполеон за да можат војниците полесно да го пренесуваат во заден џеб на горниот дел на облеката, а не во панталоните како што често се наведува. Доколку би се пренесувал во панталоните би можел да се оштети[4].
Според друга варијанта овој леб бил измислен во Виена и неговиот облик можел да биде долгунест, но и овален. Во Франција бил донесен во текот на XIX век (во 1839 година во Виенската пекарница основана од Август Цанг[5]). Багетот го доживеал својот развој во Париз го доживеал во 1920-тите години заради пократкото време на киснење и печење во однос на другите видови леб. Во тоа време бил донесен закон кој им забранувал на пекарниците да работат пред 4 часот наутро, што било кратко време за подготовка на традиционалниот леб[6].
Според трета варијанта, ретко наведувана и доста сомнителна, е онаа според која багетот настанал при изградбата на метрото во Париз. Имено, надзорникот на изградбата на метрото имал доста проблеми со честити расправии меѓу работниците кои биле од различно потекло (Бретонци, Оверњанци...), а во тоа време секој работник секогаш со себе носел нож со кој сечел фелки леб. За да ги избегне ножевите на работните места, надзорникот побарал од некој пекар да подготви леб кој ќе може да се крши, а не да се сече. Оттука фактот за одредени пуристи дека багетот се крши, не се сече[7].
Поврзано уреди
Наводи уреди
- ↑ http://www.health.harvard.edu/diseases-and-conditions/glycemic_index_and_glycemic_load_for_100_foods
- ↑ цитат „Loaves of bread six feet long that look like crowbars!“ Supplement to the Courant, John L. Boswell, pub. 1862, p.45
- ↑ Louis Charles Elson, цитат „Housemaids were hurrying homewards with their purchases for various Gallic breakfasts, and the long sticks of bread, a yard or two in length, carried under their arms, made an odd impression upon me“, in European Reminiscences, Musical and Otherwise: Being the Recollections of the Vacation Tours of a Musician in Various Countries, 1896, {p. 186
- ↑ Connaissez-vous l'histoire de la baguette de pain ? Архивирано на 28 септември 2015 г. Belledonne.
- ↑ James Chevallier, August Zang and the French Croissant: How Viennoiserie Came to France.
- ↑ цитат „Il est interdit d'employer des ouvriers à la fabrication du pain et de la pâtisserie entre dix heures du soir et quatre heures du matin“, Bulletin des lois de la République française, nouvelle série, année 1919, t. XI : 241-264 B, 246, p.769, numéro 13950, loi tendant à la suppression du travail de nuit dans les boulangeries du 28 mars 1919.
- ↑ C'est l'explication donnée par l'émission Karambolage, sur la chaîne de télévision Arte, le dimanche Предлошка:Date- entre 20 h et 20 h 15 (site de l'émission sur telerama.fr : http://www.arte.tv/magazine/karambolage/fr/lobjet-la-baguette-de-fulgence-bienvenue-karambolage).
Надворешни врски уреди
| Видете багет во Викиречник, слободниот речник. |
| „Багет“ на Ризницата ? |
- About the Baguette – истражување за потеклото на багетот
- How to Make a Basic Baguette Архивирано на 21 април 2016 г. – Видео кое покажува како се прави багет
- Making traditional French bread: baguettes[мртва врска] – Детална статија како да се напрви традиционален багет