Рокас

Атол Рокас
	Урнатини на стариот светилник, со новиот светилник во позадина
Географија
Место	Атлантски Океан
Координати	03°52′S 33°49′W / 3.867° ЈГШ; 33.817° ЗГД
Архипелаг	Atol das Rocas
Вкупно острови	2
Поголеми острови	Фарол, Семитерио
Површина	0,36 км2
Држава
	Бразил
Регион	Североисточен
Држава	Северно Рио Гранде
Демографија
Население	ненаселен
	Светско наследство на УНЕСКО
	Службен назив: Бразилски атлантски острови: Фернандо де Нороња и Атол дас Рокас
Тип:	природно
Критериуми:	vii, ix, x
Прогласено:	2001 (25. заседание)
Број	1000
Држава:	Бразил
Регион:	Латинска Америка и Кариби

Рокас (португалски: Atol das Rocas) — единствен атол во Јужниот Атлантски Океан,^[1] кој припаѓа на бразилската сојузна држава Северно Рио Гранде. Се наоѓа околу 260 километри североисточно од Натал и 145 километри западно од архипелагот Фернандо де Нороња. Атолот е од вулканско потекло и создаден од корали.

Опис

Атол Рокас, Бразил, фотографиран од Меѓународната вселенска станица

Заоблениот атол е долг 3,7 километри и широк 2,5 километри. Лагуната е длабока 5 метри и има површина од 7,1 км². Површината на двете островчиња (Остров Семитерио, југозападно и Фарол Кај, северозапад) е 0,36 км². Фарол Кај учествува со две третини од вкупната површина. Највисоката точка е песочна дина во јужниот дел на поголемиот Фарол Кај, со височина од 6 метри. Обете островчиња се обраснати со трева, грмушки и неколку палми. Островчињата се населени од ракови, пајаци, скорпии, песочни болви, инсекти, лебарки и многу видови на птици.

Постои светилник на Бразилската морнарица кој е во употреба и се одржува од 1960-тите години на северниот крај на Фарол Кај. Во негова близина е уништен светилник од 1933 година.

Атолот е заштитено подрачје на дивиот живот и во 2001 година прогласен од УНЕСКО како светско наследство на УНЕСКО. Бројни желки, ајкули, делфини и птици живеат во областа. Атолот главно се состои од корал и црвени алги. Коралниот прстен е скоро затворен со широк канал од 200 метри на северната страна и многу потесен канал на западната страна.

Атолот и околните води се вклучени во Биолошкиот резерват Атол дас Рокас.

Моментално, резерватот се користи исклучиво за научно истражување. Поради неговата оддалечена местоположба, на островите нема човекови активности. Од друга страна, оддалеченоста ги спречува научниците да пристапат на островите и постојат само неколку студии. Ентомолошката фауна од Атол дс Рокас е веќе забележан.^[2]

Поврзано

Атол

Наводи

↑ Амадо-Филјо, G. M.; и др. (2012-09-17), „The mesophotic zone of the only South Atlantic Atoll is dominated byrhodolith beds“, Во Агире, Julio (уред.), IV International Rhodolith Workshop, Гранада, Шпанија: Universidad de Granada, Facultad de Ciencias, стр. 10–11 |access-date= бара |url= (help)
↑ Almeida CE, Marchon-Silva V V, Ribeiro R, Serpa-Filho A, Almeida JR, Costa J. 2000. Entomological fauna from Reserva Biológica do Atol das Rocas, RN, Brazil: I. Morphospecies composition. Rev Bras Biol. 60(2):291-298.

Надворешни врски

Бразилска комисија за геолошки и палеобиолошки места Архивирано на 22 февруари 2005 г. (англиски) - (португалски)
Светско наследство на UNESCO (англиски)
Повеќе информации Архивирано на 16 декември 2004 г. (германски)

[Amado-Filho-1] Амадо-Филјо, G. M.; и др. (2012-09-17), „The mesophotic zone of the only South Atlantic Atoll is dominated byrhodolith beds“, Во Агире, Julio (уред.), IV International Rhodolith Workshop, Гранада, Шпанија: Universidad de Granada, Facultad de Ciencias, стр. 10–11 |access-date= бара |url= (help)

[2] Almeida CE, Marchon-Silva V V, Ribeiro R, Serpa-Filho A, Almeida JR, Costa J. 2000. Entomological fauna from Reserva Biológica do Atol das Rocas, RN, Brazil: I. Morphospecies composition. Rev Bras Biol. 60(2):291-298.

[1]

[2]