Антонов Ан-225
Ан-225 Мрија (украински: Ан-225 Мрія, НАТО назив: Козак) е стратешко транспортно летало кое било конструирано од Антонов, и претставува најголем досега конструиран авион, според најприфатливата и најприфатената мерка [1], максимална вкупна тежина при полетување. Дизајнот, наменет за транспорт на вселенскиот орбитер Буран, претставува зголемена верзија на Ан-124 Руслан. Мрија (Мрія) значи „сон“ (мечта, инспирација) на украински.
Ан-225 Мрија
| |
|---|---|
 | |
| Антонов-225 на Минхенскиот аеродром | |
| Тип | Стратешки транспортер |
| Производител | Антонов |
| Прв лет | 21 декември 1988 |
| Статус | Во употреба |
| Главни корисници | Антонов Ерлајнс (1) |
| Произведени | 1 (и втор делумно конструиран) |
| Разработил | Антонов Ан-124 |
Со максимална вкупна тежина од 640 тони, Ан-225 е најтешкото и најголемото летало во светот. Хјуз H-4 Херкулес, попознат како „Смречна гуска“ (Spruce Goose), имал поголем распон на крилата и поголема просечна височина, но е значително покус, а и полесен поради тоа што бил конструиран од полесни материјали. Покрај тоа, Херкулес летал само еднаш, и не многу високо, со што Ан-225 е најголемото летало во светот кое полетало повеќепати.[2] Ан-225 е исто така поголем отколку патничкиот авион Ербас А380, и значително поголем отколку Антонов Ан-124, 747-400ЕРФ, Ц-5 Галакси, најблиските еквивалентни тешки товарни авиони.
Во ноември 2004, FAI го сместила Ан-225 во Гинисовата Книга на Рекорди поради своите 240 рекорди.
Развој
уреди
_1.JPEG)
Ан-225 бил дизајниран за Советската вселенска програма како замена за Мјасишчев ВМ-Т. Способен да ги подигне деловите на ракетата Енергиа и шатлот Буран, неговата мисија и цели биле скоро идентични на оние на Ербас Белуга и американскиот авион носач на шатл.[3]
Ан-225 е продолжение на неговиот претходник Ан-124. За да се справи со потребите на неговата нова улога, биле додадени додатоци во вид на буре на трупот погоре и подолу од крилата, кои исто така биле продолжени во внатрешноста на трупот.[3] Уште два Лотарев Д-18 мотори биле додадени на новите основи на крилата, со што авионот имал шест, и бил дизајниран систем на опрема за слетување со зголемен капацитет со 32 тркала. Задната товарна врата и рампа на Ан-124 биле отстранети за да се заштеди на тежина, и опашката била променета од единечен вертикален стабилизатор во двојна опашка со прекумерен хоризонтален стабилизатор. Двојната опашка станала потребна со оглед на тоа што било потребно да се пренесуваат многу големи и тешки надворешни товари, кои би ја нарушиле аеродинамиката на нормална опашка. За разлика од Ан-124, Ан-225 не бил наменет за тактичко пренесување на товар.
Ан-225 летал за првпат на 21 декември 1988. Биле нарачани две летала, но само еден Ан-225 (број на опашка UR-82060[4]) е моментално во употреба. Авионот е комерцијално достапен за употреба при пренесување на ултра-тежок и прекумерен товар, до 250.000 кг внатрешно[3] или 200.000 кг на горниот дел од трупот. Товарот на горниот дел од трупот може да достигне должина до 70 m.[5] Втор Ан-225 бил делумно конструиран за време на доцните 1980-ти за употреба од страна на Советската вселенска програма. По распадот на Советскиот Сојуз во 1990 и откажувањето на вселенската програма Буран, единствениот Ан-225 бил затворен во хангар. Шесте мотори од марката „Лотарев“ биле отстранети за употреба на авиони Ан-124, и рамката на вториот Ан-225 (блиску до комплетирање, без мотори) била исто така расклопена.
Извори
уреди
- ↑ www.aerospaceweb.com
- ↑ „Антонов Ан-225 Мрија (Козак)“. The Aviation Zone.
- ↑ 3,0 3,1 3,2 Грег Гебел. „Антонов Ан-225 Мрија („Козак")“. Џиновите Антонов: Ан-22, Ан-124 & Ан-225. Посетено на 2006-02-18.
- ↑ Слика на www.airliners.net
- ↑ „Мрија“. Антонов АСТЦ. Посетено на 2004-05-27.
Надворешни врски
уреди- Официјално мрежно место
- Ан-225 - buran-energia.com
- Ан-225
- Товар
- Antonov_225_Mriya.kmz .kmz податотека за Google Earth, која го означува Ан-225 на аеродромот Гостомељ
- Летајте над Ан-225 Мрија на аеродромот Гостомељ користејќи слики и API на GoogleMaps Архивирано на 29 септември 2007 г.
- Сателитска слика на 50°35'20.57"N 30°12'22.00"E на Google Maps, на Аеродромот Гостомељ „Антонов“ северозападно од Киев, Украина.
Поврзана содржина
уреди| „Антонов Ан-225“ на Ризницата ? |
Секвенца на ознаки
уредиПоврзано
уредиСлични летала
уреди- Ц-5 Галакси
- Конвер ИКСЦ-99
- Ербас А380F
- Ербас Белуга
- Голем товарен превозник „Боинг 747“
- Мјасишчев ВМ-Т
- Шатлоносач „Боинг 747“
Поврзани списоци
уредиПоврзано
уредиПатнички: Ан-74 · Ан-140 · Ан-148 · Ан-174 · Ан-180 · Ан-218
Транспортни: А-7 · ОКА-38 · Ан-2 · Ан-3 · Ан-4 · Ан-8 · Ан-10 · Ан-12 · Ан-14 · Ан-22 · Ан-24 · Ан-26 · Ан-28 · Ан-30 · Ан-32 · Ан-38 · Ан-70 · Ан-72 · Ан-124 · Ан-225
Набљудувачки: Ан-6 · Ан-71 · Ан-88 - Експериментални: A-40 · СКВ - ? Ан-204
Производство: Ербас А380 · Антонов Ан-124 Руслан · Антонов Ан-225 Мрија · Боинг 747 (СП/-400/ГТТ) · Локхид Ц-5 Галакси
Предложени: Бериев Бе-2500 · Боинг 747-8 · Боинг Пеликан
Концепти/прототипи: Боинг НГА · Бристол Брабазон · Конвер ИксЦ-99 · Хјуз Х-4 · МекДонел Даглас МД-12