Александар Јаневски

Александар Јаневски ( 1927 во Скопје — 13 ноември 1944 во Скопје) — македонски партизан, борец за слобода на Македонија и учесник во НОВ.

Биографија

Произлегува од сиромашно семејство. Завршил основно училиште, а потоа како напреден младинец бил вклучен во акциите за помагање на оруженото востание против окупаторот. На 7 септември 1944 година стапил во борбените редови на Дванаесеттата македонска ударна бригада и бил распореден во првата чета на вториот баталјон. Со бригадата учествувал во борбите против непријателот, во близина на Скопје. Бил учесник во уличните борби и заземањето на големото германско упориште во зградата на училиштето „Гоце Делчев“. Токму во таа битка го изгубил и својот живот во битките за ослободување на Скопје.