Јужна мазгунска пирамида
Јужната мазгунска пирамида ― староегипетска кралска гробница изградена за време на 12-та или 13-та династија во Мазгуна, 5 километри јужно од Дахшур, Египет. Градбата никогаш не била завршена и сè уште не е познато кој фараон бил сопственик, бидејќи не бил пронајден соодветен натпис.Пирамидата била повторно откриена во 1910 година од Ернест Мекеј, а била ископана следната година од Флиндерс Петри.[1]
| Јужна мазгунска пирамида | |
|---|---|
 | |
| Аменемхат IV(?), 12. династија(?) | |
| Координати | 29°45′42″N 31°13′15″E / 29.76167° СГШ; 31.22083° ИГД |
| Старо име | Мазгуна |
| Изградба | 19-18 век п.н.е. (12. династија-13. династија) |
| Тип | Пирамида |
| Материјал | Земјени тули (со варовнички редени камења?) |
| Висина | 52,5 м |
Припишување
уреди
Градбата споделува некои структурни сличности со Хаварската пирамида на Аменемхат III, и поради оваа причина обично му се припишува на неговиот син Аменемхат IV (околу крајот на 19 век пр.н.е.). Напоредно, Северната мазгунска пирамида се смета за гробница на неговата сестра Собекнеферу, последниот владетел на 12-та династија.Сепак, некои истражувачи како Вилијам К. Хејс[2] верувале дека јужната пирамида била изградена за време на 13 -та династија, врз основа на некои сличности со Хенџеровата пирамидата. Во овој случај, требало да припаѓа на еден од многуте фараони кои владееле помеѓу почетокот на 13-та династија и губењето на контролата врз северната територија се случило за време или наскоро по владеењето на Мернефере Ај.[3]
Опис
уредиПирамидата има странична должина од 52,5 м. Ѕидањето на јадрото се состои од тули од кал и достигнува само висина од еден до два слоја. Редени камења не биле пронајдени; затоа, невозможно е да се одредат информации за планираниот агол на наклон и вкупната висина.
Влезот на пирамидата се наоѓа во средината на јужната страна. Скалила водат надолу до краток хоризонтален премин. Тука е ѕидната ниша, од каде што бил втурнат камен за блокирање во преминот. Друго скалило води до втор блок, кој, сепак, сè уште е во својата ниша.Конечно, коморен систем во форма на буквата U води до погребната комора, на чиј врв има дводелно прекршен покрив. Во него биле пронајдени празен, но користен, кварцитен саркофаг и неколку гробни предмети (три варовнички светилки, сад во облик на патка од алабастер, сад за шминка направен од ист материјал и парче полирана сапуница) биле најдени во него.
Комплексот е опкружен со брановиден ѕид, кој ги вклучува остатоците од капелата во средината на источната страна; се состои од голема средишна комора со две комори на секоја страна од складиштето. Средишната комора била споена во нејзиниот југозападен агол со жртвена сала со засводен покрив.
Поврзано
уредиНаводи
уреди- ↑ Flinders Petrie, G. A. Wainwright, E. Mackay: The Labyrinth, Gerzeh and Mazghuneh, London 1912, available online.
- ↑ W.C. Hayes, The Scepter of Egypt. A Background for the Study of American Antiquites in the Metropolitan Museum of Art. From the Earliest times to the End of the Middle Kingdom, New York, 1953.
- ↑ McCormack, Dawn. "The Significance of Royal Funerary Architecture in the Study of 13th Dynasty Kingship." In M. Marée (ed) The Second Intermediate Period (13th-17th Dynasties), Current Research, Future Prospects, Belgium: Peeters Leuven, 2010, pp. 69-84.
Извори
уреди- Марк Ленер, Das Geheimnis der Pyramiden in Ägypten. Orbis Verlag, Минхен 1999, стр. 184-185, ISBN 3-572-01039-X .
- Рајнер Стаделман, Die ägyptischen Pyramiden. Vom Ziegelbau zum Weltwunder. Verlag Philipp von Zabern, 3. Aufl., Мајнц 1997, стр. 250–251, ISBN 3-8053-1142-7
- Мирослав Вернер, Die Pyramiden . Rowohlt Verlag, Рајнбек 1998, стр. 472–474, ISBN 3-499-60890-1 .