Јазици во Парагвај
Јазиците во Парагвај е поим со кој се опфаќаат сите јазици кои се зборуваат на територијата на оваа јужноамериканска држава. Парагвај е двојазична држава, каде населението зборува и шпански и гварански јазик. Двата јазика се официјални во Република Парагвај.[1]
 Јазици во Парагвај | |
|---|---|
| Официјален јазик | шпански, гварански |
| Главен доселенички јазик | португалски |
| Демографија на Парагвај | |
Службени јазици
уредиШпанскиот јазик го зборуваат околу 87% од населението, додека гваранскиот го зборуваат над 90% од населението и има околу 4.650.000 говорници. 52% од Парагвајците зборуваат само гварански. Карактеристично за Парагвај и гваранскиот јазик е тоа што се единствената држава и староседелски јазик кој бил наметнат, или подоминантен од колонијалниот јазик.
Гварански јазик
уредиГваранскиот јазик (avañe'ẽ, шпански: Guaraní) или познат како парагвајски гварански е староседелски јазик во Јужна Америка кој е дел од семејството на туписки јазици. Гваранскиот е еден од службените јазици во Парагвај, каде се зборува од мнозинското население и половина од руралното парагвајско население зборува само на гварански[2] Покрај Парагвај, јазикот се зборува во соседните држави, поточно во северна Аргентина и југозападен Бразил. Во аргентинската покраина Кориентес гваранскиот јазик е службен јазик[3].
Шпански јазик
уредиШпанскиот јазик (español) или познат како кастиљски јазик (lengua castellana) е романски јазик од групата на ибероромански јазици. Јазикот се развил од неколку јазици и дијалекти кои се зборувале во централниот дел на Пиринејскиот Полуостров во 9 век[4]. Јазикот постепено се зголемувал и се приширувал со експанзијата на Кралството Кастиља.
Соврмениот кастиљски јазик се развил со прераспоредување на согласките, процес кој започнал во 15 век. Јазикот постепено почнал да создава нови зборови, како од домашно, така и од странско потекло. Јазикот станал значаен со шпанската колонизација на Америка, Африка и делови од Азија - колонизација која била предводена од Шпанската империја во периодот од 15 до 19 век. Во тој период јазикот станал најзначаен јазик за владата и трговијата.[5]
Малцински јазици
уредиОколу 50.000 Парагвајци зборуваат на староседелски јазик различен од гваранскиот. Тие се::[6]
- Ачејски јазик
- Ајореоански јазик
- Чамакокоански јазик
- Илховува-чоротејски јазик
- Гванајски јазик
- Ленгуански јазик
- Макајски јазик
- Ниваклејски јазик
- Њандевски јазик
- Пај-тавитески јазик
- Санапански јазик
- Тоба-комски јазик
- Тоба-маскојски јазик
Емочки јазик е исчезнат јазик.[6]
Наводи
уреди- ↑ „Paraguay - Constitution, Article 140 About Languages“. International Constitutional Law Project. Посетено на 2007-12-03. Наводот journal бара
|journal=(help) (see translator's note) - ↑ Mortimer, K 2006 "Guaraní Académico or Jopará? Educator Perspectives and Ideological Debate in Paraguayan Bilingual Education" Working Papers in Educational Linguistics 21/2: 45-71, 2006
- ↑ „Website of Indigenous Peoples' Affairs which contains this information (шпански)[[Категорија:Статии со надворешни врски на шпански]]“. Архивирано од изворникот на 2005-10-27. Посетено на 2012-11-13. URL–wikilink conflict (help)
- ↑ La RAE avala que Burgos acoge las primeras palabras escritas en castellano (Castilian). www.elmundo.es
- ↑ „Spanish languages "Becoming the language for trade" in Spain and“. sejours-linguistiques-en-espagne.com/index.html. Архивирано од изворникот на 2013-01-18. Посетено на 2010-05-11.
- ↑ 6,0 6,1 Languages of Paraguay, Ethnologue
