Moje proljeće

„Moje proljeće“ (македонски: Моја пролет) е песна на хрватската поп пејачка Јелена Розга . Напишана е од српско-турската кантавторка Емина Јаховиќ, а продуцирана од Дарко Димитров . Објавена е како сингл преку Кроација рекордс на 29 јануари 2019 година заедно со придружното музичко видео во режија на Дарио Радушин. Песната е добро прифатена од музичките критичари кои ја фалат Розга за промената во музичкиот стил и за тоа што песната е балада. Комерцијално, песната постигнува успех во Хрватска и поширокиот југословенски регион, искачувајќи се на третото место на HR Top 40 .

Придружното музичко видео за песната е режирано од Дарио Радушин и објавено на 29 јануари 2019 година. Ја покажува емотивната изведба на пејачката, а во некои сцени се гледа и како плаче. Облечена е во бело и се појавува како трча и талка во снежна шума. Клипот е гледан повеќе од 18.25 милиони пати заклучно со мај 2022 година. Песната се наоѓа на сет листата на настапи во живо и свирки на пејачката дадени низ целиот балкански регион. Во 2022 и 2023 година, додадена е во сет листата на регионалната турнеја „Minut Srca Mog“ .