Fiat lux

Fiat lux — латински израз што се содржи во почетокот на Битие 1:3. Ова е првиот збор Божји, наредба дадена кога тој ја создал светлината на првиот ден од создавањето на светот, што на македонски е преведено со „Нека биде светлина!“. Изворната верзија на текстот, на хебрејски, е יְהִי אוֹר (yehi 'or). Грчкиот превод е γενηθήτω φῶς (genēthḗtō phôs).

Целата реченица на латински е Fiat lux et facta est lux што на македонски е преведено како: „Нека биде светлина! И би светлина“.

Мото

Fiat Lux е мото на неколку универзитети, училишта и една екипа во е-спорт:

• Корнвејски колеџ (Машоналенд Запад, Зимбабве);
• Калифорниски универзитет (Калифорнија, САД);
• Акронски универзитет (Охајо, САД);
• Летбриџски универзитет (Алберта, Канада);
• Екипата Пари Етернал од Овервоч лигата.