Шрек засекогаш

Шрек засекогаш (англиски: Shrek Forever After) е американски анимиран филм од 2010 година, во режија на Мајк Мичел. Главните улоги ги играат: Мајк Маерс, Еди Марфи, Камерон Дијаз, Антонио Бандерас, Џон Клиз и Џули Ендрјус. Ова е четврти дел од серијалот за Шрек.

Содржина

Шрек и Фиона (гласот го позајмува Дијаз) живеат здодевен семеен живот во дворецот на нејзиите родители. На Шрек (гласот го позајмува Маерс) му станува здодевно и тој посакува повторно да биде стариот вистински огар, кој живеел во мочуриштето. Лошиот Румпелситлцкин му нуди договор со кој Шрек ќе се врати во времето пред да ја запознае Фиона и Шрек го потпишува, но не е свесен за последиците од таа одлука.

Подоцна, тој го среќава Магарето, но не се сеќава на него. Во меѓувреме, Румпел се здружил со вештерките со намера да завладее со кралството, а Фиона е водач на огарите, кои се борат против Румпел. Шрек и магарето пристигнуваат во логорот во кој се кријат огарите, а Фиона не го познава. Започнува востанието против Румпел, но огарите се победени и Фиона е заробена. Сепак, Шрек, Магарето и Мачорот во чизми (гласот го позајмува Бандерас) влегуваат во замокот на Румпел и ја уништуваат неговата магија, ослободувајќи ги Фиона, огарите и кралството. Така, Шрек и Фиона повторно се заедно.