Чавоглаве
Чавоглаве (хрватски: Čavoglave) — село во Хрватска, во склоп на општината Ружиќ во Шибенско-книнската жупанија.
| Чавоглаве | |
|---|---|
| Село | |
 Црква на хрватските маченици во Чавоглаве | |
| Координати: 43°47′01″N 16°20′14″E / 43.78361° СГШ; 16.33722° ИГД | |
| Држава |  Хрватска |
| Жупанија | Шибенско-книнска жупанија |
| Општина | Ружиќ |
| Надм. вис. | 420 м |
| Население (2001) | |
| • Вкупно | 199 |
| Час. појас | СЕТ (UTC+1) |
| • Лете (ЛСВ) | CEST (UTC+2) |
Според пописот од 2001, во Чавоглаве живеат 199 жители[1]
Географија уреди
Чавоглаве се наоѓа на надморска височина од 420 метри, помеѓу планините Свилаја и Мосеќ, покрај изворот на реката Чикола.
На југот од селото поминува регионалниот пат D56, во пределот помеѓу Дрниш и Муќ, а од другата страна на патот се наоѓа селото Кљаке.
Историја уреди
За време на хрватската војна за независност селото се наоѓало на самото боиште, но никогаш не било окупирано. Голем број од населението учествувало во борбите против припадниците на Српска Краина, а селото станало познато по песната „Bojna Čavoglave“ („Војна за Чавоглаве“) од страна на пејачот и жител на селото Марко Перковиќ.
Секоја година на 5 август во селото се одржува еден од најпознатите хрватски фестивали „Прослава на денот на победата и благодарност на татковината кон жителите на Чавоглаве“ (хрватски: Proslava Dana pobjede i domovinske zahvalnosti u Čavoglavama).[2]
Наводи уреди
- ↑ „Population by sex and age, by settlements, census 2001 (Ružić)“. Republic of Croatia Bureau of Statistics. Посетено на 7 January 2009.
- ↑ Sto tisuća ljudi s Thompsonom u Čavoglavama na pučkoj proslavi (FOTOGALERIJA)
| „Чавоглаве“ на Ризницата ? |