Црква „Св. Троица“ - Трсино
Света Троица — главна селска црква во селото Трсино.[1] Црквата е сместена во северниот дел од селото, на десната страна од патот кој води од соседното село Трстија.
Света Троица
| |
Поглед кон црквата | |
македонска православна црква | |
Епархија | Брегалничка |
Архијерејско намесништво | Штипско |
Парохија | Јакимовска |
Местоположба | |
---|---|
Координати | 41°54′47.1″N 22°38′59.2″E / 41.913083° СГШ; 22.649778° ИГД |
Место | Трсино |
Општина | Виница |
Држава | Македонија |
Општи податоци | |
Покровител | Свето Тројство |
Изградба | 30 мај 2004 |
Архитектонски опис |
Историја уреди
Камен-темелник за изградба на црквата бил поставен на 30 мај 2004 година од страна на тоашниот митрополит на Брегалничката епархија г. Агатангел.
Архитектура уреди
Црквата претставува крстокуполен храм, при што куполата е со осумаголна основа и на секоја од осумте страни има по една монофора. Во продолжение на бочните ѕидови се доградени припрати, додека во задниот дел од црквата има три многуаголни апсиди, од кои средишната е поголема во споредба со страничните кои се со еднаква големина. Градбата во целост е варосана во бела боја и истата е покриена со ќерамиди. Со ќерамиди исто така се покриени припратите и апсидите, додека куполата има метален кров над кој е истакнат крст.
Камбанаријата е прилепена до градбата на црквата и е сместена во левиот агол од предната страна. Таа има четириаголна основа и е ѕидана од тули. Предната и бочните страни се поделени во четири дела, од кои првите три содржат по една монофора, додека последниот е лачно отворен. На задната страна отсуствува најнискиот дел поради тоа што во таа висина е прилепена со градбата на црквата. Камбанаријата е покриена со метален кров над кој има крст.
Поврзано уреди
Наводи уреди
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 31.
Надворешни врски уреди
„Црква „Св. Троица“ - Трсино“ на Ризницата ? |
- Информации за црквата Архивирано на 23 септември 2017 г. — страница на Брегалничката епархија