Википедија

Црква „Св. Теодор Стратилат“ - Свето Тодори (селска)

црква во селото Свето Тодори

Свети Теодор Стратилат — главна селска црква во селото Свето Тодори.[1] Црквата е сместена во крајниот југозападен дел од селото, во непосредна близина на училиштето.

Свети Теодор Стратилат

Поглед на црквата

македонска православна црква
Епархија Преспанско-пелагониска
Архијерејско намесништво Битолско
Парохија Ивањевска
Местоположба

Карта

Координати 41°13′41.2″N 21°20′02.7″E / 41.228111° СГШ; 21.334083° ИГД / 41.228111; 21.334083
Место Свето Тодори
Општина Могила
Држава Македонија
Општи податоци
Покровител Теодор Стратилат
Завршено 1880
Архитектонски опис

Историја

уреди

Црквата е изградена во 1880 година врз стари темели, а била обновена по Првата светска војна во 1921 година, како и во 1990 година.[2]

Архитектура

уреди

Градбата на црквата има правоаголна основа со многуаголна апсида на источната страна. Од јужната страна на црквата е дограден објект чиј влез е сместен на источната страна. Црквата е изградена од варовник и е покриена со кров од ќерамиди, додека апсидата е покриена со лимен кров.

Црквата има мал ограден двор кој го зафаќа просторот меѓу главниот и доградениот објект, како и камбанаријата која е сместена во југоисточниот агол. Таа има квадратна основа и се состои од два дела. Од нив, долниот е изграден од варовник како и самиот црковен објект, додека горниот дел содржи по еден залачен отвор на секоја страна. Влезот во камбанаријата се наоѓа на северната страна. Во оградениот двор има и гробен споменик. Селските гробишта се сместени непосредно до црквата, но надвор од оградениот двор.

Галерија

уреди
  •  
    Влезот на црквата
  •  
    Апсидата на црквата
  •  
    Камбанаријата
  •  
    Селските гробишта

Поврзано

уреди

Наводи

уреди
  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 12. ISBN 978-608-65143-2-7.
  2. ↑ „Свето Тодори Архивирано на 29 јуни 2020 г.“. Мој Роден Крај.

Надворешни врски

уреди
Преземено од „https://mk.wikipedia.org/w/index.php?title=Црква_„Св._Теодор_Стратилат“_-_Свето_Тодори_(селска)&oldid=5157922“