Црква „Св. Петка“ - Долно Оризари

Свети Никола — црква во селото Долно Оризари, Битолско. Сместена во јужниот дел од селото.

Местоположба
Света Петка

Поглед на црквата
македонска православна црква
Епархија	Преспанско-пелагониска
Архијерејско намесништво	Битолско

Координати	41°02′55.4″N 21°22′37″E / 41.048722° СГШ; 21.37694° ИГД / 41.048722; 21.37694
Место	Долно Оризари
Општина	Битола
Држава	Македонија
Општи податоци
Покровител	Света Петка
Завршено	1930
Архитектонски опис

Историја

Од натписните плочи до влезот на црквата се забележува дека истата била изградена во 1930 година. Познато е дека била подигната на темели од 1860 година.^[1]

Архитектура

Градбата на црквата има правоаголна основа со полукружна апсида на источната страна. Влезот се наоѓа на јужната страна, а од неговата десна страна има две натписни плочи со податоци за годината на изградба на црквата и лицата заслужни за нејзината изградба, како и врамена црно-бела икона на Света Петка. Внатрешноста не е зографисана и нема иконостас, а наместо тоа има закачени икони со различна големина пред олтарот.

Дворот на црквата е ограден со метална ограда и во него се сместени камбанаријата и помошен објект. Камбанаријата е со квадратна основа и се издига над помошниот објект.