Википедија

Црква „Рождество на Пресвета Богородица“ - Бач

црква во селото Бач

Рождество на Пресвета Богородица – главна селска црква во селото Бач.[1]

Рождество на Пресвета Богородица

Поглед на црквата

македонска православна црква
Епархија Преспанско-пелагониска
Архијерејско намесништво Битолско
Парохија Краварско-бачка
Местоположба

Карта

Координати 40°55′53.2″N 21°33′32.2″E / 40.931444° СГШ; 21.558944° ИГД / 40.931444; 21.558944
Место Бач
Општина Новаци
Држава Македонија
Општи податоци
Покровител Богородица Марија
Завршено XIX век
1912 (обновена)
1921 (обновена)
Осветување 21 септември 1912
Живопис 1886
Зограф Коста Анастасов
Архитектонски опис
Архит. тип еднокорабна

Местоположба

уреди

Црквата се наоѓа во средишниот дел на селото.

Историја

уреди

Црквата е изградена во XIX век, а била обновена од егзархистите и осветена на 21 септември 1912 година, односно на празникот Рождество на Пресвета Богородица којшто е и селска слава. Во текот на Првата светска војна, црквата била разрушена, а повторно била обновена во 1921 година.[2]

Архитектура

уреди

Градбата на црквата е еднокорабна со правоаголна основа и полукружна апсида на источната страна. Главниот влез се наоѓа на западната страна до којашто е доградена отворена припрата, а над неа се издига и камбанаријата којашто е прилепена до објектот на храмот. Црквата има и спореден влез на јужната страна до којшто е доградена мала камена припрата над чијшто влез има фреска на којашто е претставена Богородица со Исус. Храмот има женски оддел којшто е во облик на балкон.[2]

Познато е дека црквата била зографисана во 1886 година од страна на Коста Анастасов од Крушево, а за тоа сведочи и натписот на црковнословенски којшто гласи:

„ Сей храмъ Прест Богородица нво вем она се образис г. г. Архіепіск. к иереа. Иліа. ктитор. и приложніцъ г. 1886. из рукь Коста. Анасташіовикъ зуграфа ѿ слафно Крушово мсцъ. 4.[3] “

Внатрешноста денес е без фрески, но со икони на апостоли и светци. Во главниот дел на црквата висат метални кандилници и лустери коишто потекнуваат пред обновувањето.[2]

Дворот на црквата е ограден со метална ограда и во него има помошен објект, базен за верски обреди и гробови на српски војници.

Галерија

уреди
  •  
    Поглед на црквата
  •  
    Влезната порта од дворот на црквата
  •  
    Припратата
  •  
    Главниот влез
  •  
    Споредниот влез
  •  
    Јужната страна
  •  
    Камбанаријата
  •  
    Апсидата
  •  
    Помошниот објект
  •  
    Базенот за верски обреди
  •  
    Гробови на српски војници
  •  
    Дворот на црквата
  •  
    Дворот на црквата во периодот 1916-1918 година
  •  
    Црквата во периодот 1918-1941 година

Поврзано

уреди

Наводи

уреди
  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 12. ISBN 978-608-65143-2-7.
  2. ↑ 2,0 2,1 2,2 „Цркви“. Visit Pelagonia.
  3. ↑ Василиев, Асен (1965). Български възрожденски майстори: живописци, резбари, строители. София: Наука и изкуство. стр. 279.

Надворешни врски

уреди
Преземено од „https://mk.wikipedia.org/w/index.php?title=Црква_„Рождество_на_Пресвета_Богородица“_-_Бач&oldid=4693718“