Црепна

Црепна^[1] или подница^[2] – кружна тепсија изработена од непрочистена глина, дополнета со разни додатоци од органско и неорганско потекло^[3].

Изработка

Изворно црепните се изработувале на мошне архаичен начин. Имено, црепните се моделирале со слободна рака и по сушењето се печеле во отворено огниште, а некаде и не се печеле.

Употреба

Се употребувале така што најпрво црепната се загревала на огниште, потоа во неа ќе се ставела храната, ќе се поставела на пирустија и ќе се покриела со друга загреана црепна или почесто со вршник. Црепните најчесто се употребувале за печење леб и други производи од тесто, но и друга храна.