Француски конзулат во Битола
Почесен конзулат на Француската Република во Битола — дипломатско претставништво на Франција во Битола.
Историја
уредиКонзулатот бил отворен во 1854 година. Првиот претставник со чин вицеконзул бил Белан, од 1856 година вицеконзул бил Белег де Бугас. На крајот на деценијата, конзулатот бил затворен од финансиски причини.[1]
Во 1895 година, конзулатот бил повторно отворен за да ја поддржи католичката пропаганда во Македонија и активностите на Лазаристичкиот ред. Во периодот пред Илинденското востание, француски вицеконзул во Битола бил Макс Шублие. Тој со своите детални извештаи ја запознал француската јавност со состојбите во Битолскиот Вилает, поради што многу угледни личности од Франција организирале митинзи и протестни собири за да влијаат француската влада да реагира. Различни организации и здруженија испраќаат помош до настраданото население. Непосредно пред востанието, Ежен Готје станал вицеконзул, кој на оваа функција останал до средината на 1907 година, а во меѓувреме бил унапреден во конзул. Тој бил заменет со Ален Алфонс Гијоа, кој бил на функцијата до Балканските војни.[1]
Конзулатот бил сместен во една од најубавите неокласични згради во градот, на улица „Св. Кирил и Методиј“ бр. 6, прогласена за споменик на културата.[1]
На 9 јуни 1996 година, во Битола, сега во Република Македонија, повторно бил отворен почесен француски конзулат. Истиот се наоѓа на главната улица „Широк Сокак “ бр. 62.[2]
Дипломатски претставници во Битола
уредиНаводи
уреди- ↑ 1,0 1,1 1,2 Миновски, Никола, НУ Завод и Музеј - Битола. „Француски Конзулат – Конзулска Битола“. Bitola.info. Посетено на 27 септември 2020 г. Проверете ги датумските вредности во:
|accessdate=(help) - ↑ „Почесен конзулат на Француската Република во Битола“. Bitola.info. Посетено на 16 октомври 2020 г. Проверете ги датумските вредности во:
|accessdate=(help) - ↑ Lory, Bernard (2011). „Un poste consulaire en Macédoine, Bitola-Monastir, 1851-1912“. Cahiers balkaniques. 38-39. doi:10.4000/ceb.849. Посетено на 2017-12-29. Занемарен непознатиот параметар
|month=(help)