Широк Сокак

Широк Сокак (познат и како „Битолско Корзо“) — најпрометна и најпозната улица во центарот на Битола, со бројни дуќани и локали. Денес е строго пешачка улица, а некогаш по неа се движеле и автомобили. На Широк Сокак се наоѓаат најголемите продавници, ресторани, театарот со опера, галерии и многу кафулиња и клубови. Тука се сретнуваат најстарите архитектонски дела и градби на Балканот, коишто го красат градот уште од турско време. Типично турски куќи, покрај прекрасните вили, не се реткост во овој дел на градот. А на самиот крај на Широк Сокак се наоѓа спортската сала Младост и се влегува во простран цветен парк полн со дрвореди, којшто води до стадионот Тумбе Кафе, зоолошката градина и античкото наоѓалиште Хераклеја Линкестис.

Широк Сокак
Широк Сокак
Поранешни називи:	Маршал Тито
Поштенски број:	7000
Место:	Битола, Македонија
Координати:	41.029° СГШ; 21.335° ИГД / 41.029; 21.335
Од:	Плоштад Магнолија
До:	Градски Парк

Во 1904 г. пионерите во киното браќата Милтон и Јанаки Манаки купиле парцела на Широк Сокак, каде што во 1905 г. го наместиле фотографското ателје.

Име

Официјалното име во времето на Османлиското Царство било „Султание“ или „Хамидие“. Со потпаѓањето на градот под Србија во текот на Меѓусојузната војна во 1913 година, името на улицата е променето во „Крал Петар“, а потоа во времето на комунизмот во Југославија, улицата била наречена „Маршал Тито“.

Галерија

• 
  Покриен со снег
• 
  Типична архитектура
• 
  Католичка црква
• 
• 
• 
• 
• 
  Широк Сокак во 1914 г.

Надворешни врски

• Широк Сокак на Ризницата ^?