Фантастичниот Господин Лисец

„Фантаситчниот Господин Лисец“ (англиски: Fantastic Mr Fox) — роман за деца на британскиот писател Роалд Дал од 1970 година.

Содржина

Романот се состои од 18 глави:

1. Тројцата фармери
2. Господинот Лисец
3. Пукотници
4. Страшните лопати
5. Страшните трактори
6. Трката
7. „Никогаш нема да го пуштиме да си оди“
8. Лисиците се прегладнети
9. Господинот Лисец има план
10. Кокошарникот на Шишко број еден
11. Изненадување за Госпоѓата Лиса
12. Јазовецот
13. Џиновската ризница на Мешко
14. Јазовецот се сомнева
15. Тајната винска визба на Сучко
16. Жената
17. Големата гозба
18. А тие сè уште чекаат

Осврт кон делото

Романот претставува совршена форма на модерна бајка во која Дал е на страната на животните — лисиците, јазовците, кртовите и зајаците, наспроти луѓето кои се злобни. Господинот Лисец, кој е паметен и итар, успева да ги надмудри лошите фармери и ги освојува симпатиите на читателите.

Изданија на македонски јазик

Романот бил објавен на македонски јазик во 2005 година од издавачката куќа „Просветно дело“, Редакција „Детска радост“, како дел од библиотеката „Лектирни изданија“. Преводот од англиски јазик го направила Катица Ацевска, илустрациите во книгата се дело на Џил Бенет, автор на дизајнот и ликовно-графичкото уредување е Жарко Туниќ, а лектурата ја извршила Оливера Ќорвезироска. Книгата, со обем од 96 страници и димензии од 20 сантиметри, била отпечатена во печатницата „Напредок“ во Тетово. Таа е каталогизирана во НУБ „Св. Климент Охридски“, Скопје и ја носи меѓународната ознака ISBN 9989-30-451-3.