Фалсерберг

Фалсерберг (холандски: Vaalserberg) — рид на југоисточниот крај на Холандија кој претставува највисокото место во земјата. Висок е 322,7 м и се наоѓа во гратчето Валс (по кој го добил името) во покраината Лимбург. Најблизок град е Ахен (Германија), на далечина од околу три километри.

Фалсерберг
Vaalserberg
Поглед на Валсенберг од Ахен
Највисока точка
Надм. вис.	322,7 м NAP
Координати	50°45′17″N 6°01′15″E
Име
Превод	Валшка Планина (македонски)
Географија
Фалсерберг на карта
Место	Лимбург, Холандија
Покраина	NL

Рзгледница од 1905 г. со четворомеѓата на Фалсерберг

Ридот е највисок во европска Холандија, но не и во државата. Највисоко место во целото Кралство Холандија е Маунт Синери (887 м) на карипскиот остров Саба во состав на Холандските Антили.

Тромеѓа

Во врвот на Валсеберг се среќаваат границите на Германија, Белгија и Холандија и затоа се нарекува „тромеѓа“ (хол. Drielandenpunt; гер. Dreiländereck; фр. Trois Frontières).

Во периодот од 1830 до 1919 г. врвот бил четворомеѓа, граничејќи се и со неутралниот кодоминиум Морсенет.

Поради тромеѓата, Фалсерберг е познато туристичко место во Холандија. На белгиската страна е изградена кула наречена „Бодуенова кула“ (хол. Boudewijntoren; фр. Tour Baudouin) која служи како видиковец. На германска страна се протега природен резерват. Од германска страна се издига „Вилхелминина кула“ (Wilhelmina-Turm).

Велосипедистичка трка

По Фалсерберг често се одвива друмската велосипедистичка трка „Амстел Голд Рејс“ (анг. Amstel Gold Race), каде тој претставува средина на патеката.

Поврзано

• Валс
• Географија на Холандија

Надворешни врски

• Портал на тромеѓата на Фалсерберг (холандски)

Галерија

• 
  Обележје за највисоката точка во Холандија
• 
  Тромеѓата обележана со знамиња
• 
  Морсенет (сино) меѓу Холандија, Белгија и Прусија
• 
  Поглед на Фалсерберг од Ахен
• 
  Бодуеновата кула
• 
  Вилхелминината кула