Турија (езеро)
вештачко езеро во Струмичко
- За други значења поимот „Турија“ видете на појаснителната страница
Турија — вештачка акумулација изградена во 1972 година на истоимената река Турија во Струмичката Котлина.[1] Се наоѓа на 16 км северно од Струмица.[2] Браната е земјено-насипна, со глинено јадро преку кое е нафрлан чакал и камен. Круната е долга 417,3 м, широка 8 м, и висока над теренот 78 м. Должината на заезерениот дел изнесува 4,5 км, широчината 500 м, а зафаќа површина од 0,16 км2. Вкупната зафатнина на акумулациониот базен изнесува 48.000.000 м3, од која 3.000.000 м3 е мртов простор. Се користи за наводнување на 10.000 ха обработливи земјоделски површини во Струмичкото Поле.[3]
| Турија | |
|---|---|
 | |
| Координати | 41°34′13″N 22°39′47″E / 41.57028° СГШ; 22.66306° ИГД |
| Вид | вештачко |
| Сливни земји | Македонија |
| Најг. должина | 4,5 км км |
| Најг. ширина | 500 м км |
| Површина | 0,16 км2 км2 |
| Зафатнина | 48.000.000 м3 км3 |
Наводи
уреди- ↑ Подрачје на речниот слив на река Струмица. План за управување со речниот слив 2016-2027. Нацрт финален извештај. Ноември, 2016. стр. 22.
- ↑ Никодиновски, Борис (2000). Основи на воена географија на Република Македонија. Нико Компјутери.
- ↑ Александар Стојмилов, Физичка географија на Република Македонија, ПМФ, Скопје, 2002