Тимоти Геглајн
Тимоти Геглајн (англиски: Timothy Goeglein), (Форт Вејн, 6 јануари 1964) — специјален асистент на претседателот на САД, Џорџ В. Буш, и заменик директор на Канцеларијата за јавни врски во Белата куќа од 2001 до 2008 година. Во јануари 2009 година, Геглајн станал потпретседател за надворешни и владини односи за христијанската организација Фокус на семејството.
| Тимоти Геглајн Timothy Goeglein | |
|---|---|
| поранешен Специјален советник на американски претседател | |
| Лични податоци | |
| Роден(а) | 6 јануари 1964 Форт Вејн, Индијана, САД |
| Партија | Републиканска партија на САД |
| Образование | Универзитет во Блумингтон, Индијана |
Животопис
уредиГеглајн е роден на 6 јануари 1964 година во Форт Вејн, Индијана.
Тој е Американец, но со македонско потекло бидејќи потекнува од семејство на македонски имигранти кои се преселиле во САД.[1]
Високото образование го завршува на Универзитетот во Блумингтон, Индијана, на насоките Новинарство и Политички науки.
Како истакнат кадар на Републиканската партија во САД, Геглајн ќе биде повикан да работи на позицијата Специјален советник на американскиот претседател Џорџ Буш Јуниор и Заменик директор во Канцеларијата за јавни и меѓувладини односи при Белата куќа, од 2001 до 2008 година.[2] За време на администрацијата на Буш, кога Геглајн бил претседателски советник, македонската држава ќе добие официјално признавање од САД под тогашното уставно име Република Македонија.[3]
Претходно, Геглајн работел како асистент на сенаторот на сојузната држава Индијана, Ден Коутс, а бил и портпарол на републиканецот Гери Бауер, кандидат за Претседател на САД во 2000 година.
Тој сега работи како Потпретседател за надворешни односи во Фокус на семејството, американска непрофитна огранизација од христијански и конзервативен карактер.[4]
Наводи
уреди- ↑ Politics in the Public Arena with Tim Goeglein part 1 HD, Посетено на 2023-08-02
- ↑ Washington, Sarah Pulliam Bailey in; D.C.| (2011-11-03). „Q & A: Timothy Goeglein on Redemption After Plagiarism“. ChristianityToday.com (англиски). Посетено на 2023-08-02.
- ↑ Reuters (2004-11-05). „Washington recognises Macedonia“. The Guardian (англиски). ISSN 0261-3077. Посетено на 2023-08-02.
- ↑ „Tim Goeglein“. Focus on the Family (англиски). Посетено на 2023-08-02.