Тафеа

Тафеа (бислама: Tafea) е една од шестте покраини во Вануату. Тафеа ги опфаќа најјужните острови во државата. Името на покраината потекнува од првите букви на петте најголеми острови во покраината: Тана, Анејтјум, Футуна, Ероманго и Анива.

Местоположба на Тафеа во Вануату.

Историја

Јасур, на островот Тана.

Знаме на покраината Тафеа.

За разлика од останатите покраини на Вануату, територијалниот интегритет на оваа административна единица не е променет уште од колонијалниот период. Сепак, во тоа време покраината се именувала или како Јужен округ или само како Тана. Денес административен центар на покраината е Исангел, а во колонијалниот период бил Ленакел.

Во 1970-те на островот Тана се појавило сепаратистичко движење за независност на Тана. Самопрогласувањето било на 24 март 1974 година. Ова движење било задушено по противењето на Франција и воспоставувањето на Англо-францускиот кондоминиумот на 29 јуни 1974.

Во 1980 година имало и друг обид за сепаратизам, со самопрогласувањето на независната Тафеа на 1 јануари 1980. Британските сили интервенирале на 26 мај 1980 и така останале дел од Вануату.

Географија

Покраината има население од 32,540 и површина од 1,628 км². Главниот остров, но според површина втор, е Тана. На Тана живеат околу 80% од населението на покраината. Најголемо село е Ленекел, а административен центар на покраината е Исангел.

Најголемите три острови се дел од Меланезија, а Анива и Футуна се дел од Полинезија.

Острови

Островите во покраината се:

остров	гл. село	површина (км2)	население	врв	висина (метри)	координати
Tана	Ленакел	565	28,799	Тукосмера	1,084	19°29′15″S 169°19′50″E
Анива	Икаокао	8	341	–	42	19°15′01″S 169°36′04″E
Футуна	Ихсија	11	513	Татафу	666	19°31′47″S 170°13′08″E
Eроманго Вете Манунг	Потнарвин	975	1,950	Сантоп	886	18°48′50″S 169°07′22″E
Aнејтјум Ињек	Анелгаухат	162	915	Инреров Атахејн	852	20°11′18″S 169°49′34″E
Тафеа	Исангел	1,721	32,549	Тукосмера	1,084	19°30′S 169°30′E

Надворешни врски

• Вануату Травел: Тафеа