Староградско Поле
Староградското Поле, во близина на градот Стари Град на островот Хвар, Хрватска, ― земјоделски предел што бил изработен од старогрчките колонисти во 4 век п.н.е., и останува во употреба. Полето е најголемата земјоделска област на кој било од јадранските острови и е неверојатно плодна како резултат на таложење на лес во леденото доба.[1] Овој пејзаж е скоро целосно зачуван од неговиот првичен облик. Античкиот распоред е зачуван со внимателно одржување на камените ѕидови во текот на 24-те века, заедно со камените засолништа[2][3] и системот за собирање вода. Истите култури, главно грозје и маслинки, сè уште се одгледуваат на нивите, а наоѓалиштето е исто така природен резерват. Наоѓалиштето е вреден пример за старогрчки систем на земјоделство и бил запишан како светско наследство на УНЕСКО во 2008 година.[4]
| Староградско Поле | |
|---|---|
 Староградското Поле | |
| Местоположба | Сплитско-далматинска Жупанија,  Хрватска |
| Тип: | Културолошки |
| Критериуми: | ii, iii, v |
| Прогласено: | 2008 (32. заседавање) |
| Број | 1240 |
| : | Европа и Северна Америка |
Културно добро на Хрватска | |
| Службен назив: Starogradsko polje | |
| Грешка во Lua во Модул:Location_map, ред 526: Unable to find the specified location map definition: "Module:Location map/data/Croatia" does not exist | |
Историја
уреди
Во 384 година п.н.е., Стари Град бил колонизиран од Грци од островот Парос.[5] Колонистите ја поделија рамнината на 75 земјишни парцели (наречена хора), секоја со димензии од околу 16 хектари, граничејќи се со ѕидови од сув камен.[1][5] Овие ѕидови второстепено биле користени за надгледување на полето или за брзо патување низ пејзажот.[1] Првичниот распоред на полето бил почитуван со постојано одржување на граничните ѕидови од следните поколенија. Земјоделските активности во парцелите се непрекинати 24 века до денес. Она што го гледаме денес е продолжение на културниот пејзаж на првичните грчки колонисти.
Покрај парцелите, Грците граделе и мали колиби за продавници направени од сув камен, каде што се чувале алати и луѓето можеле да се засолнат од лошите временски услови.[1] Големи цистерни за складирање и олуци биле изградени и низ целата рамнина за да се задржи дождовната вода, за да се справат со сувата средоземна клима. Многу од овие антички градби и денес се користат за тие цели.[4]
Во 229 година п.н.е., Стари Град станал резиденција на Димитриј Фароски, илирски владетел кој накратко се спротивставил на римската окупација, иако до средината на 2 век п.н.е. била римска колонија.[5] За тоа време, тој бил трговски центар за грозје и риболов.[1]
Наводи
уреди- ↑ 1,0 1,1 1,2 1,3 1,4 International Council on Monuments and Sites (ICOMOS) (11 март 2008). The Stari Grad Plain (Croatia): No. 1240 (PDF) (Report). Посетено на 29 јуни 2021.
- ↑ Stone Shelters on Hvar by Borut Juvanec
- ↑ The Trims of Hvar, by Berislav Horvatić
- ↑ 4,0 4,1 „Stari Grad Plain“. UNESCO World Heritage Centre. United Nations Educational, Scientific, and Cultural Organization.
- ↑ 5,0 5,1 5,2 Croatian Ministry of Culture: Administration for the Protection of the Cultural Heritage (Split Conservation Department) (јануари 2006). The Nomination of the Stari Grad Plain for Inscription on the World Heritage List (PDF) (Report). Посетено на 29 јуни 2021.
Надворешни врски
уреди- Службена мрежна страница Архивирано на 13 март 2021 г.