Срце од стакло

Срце од стакло (германски: Herz aus Glas) - германски филм од 1976 година во режија на Вернер Херцог, со дејство во 18 век во Баварија. Филмот го напишал Херцог и делумно дејството е засновано на приказната на Херберт Ахтербус. Главниот лик е Хиас, создаден врз основа на легендарниот баварски пророк Михлхиасл. Филмот трае 94 минути.

„Срце од стакло“
Режисер	Вернер Херцог
Продуцент	Вернер Херцог
Сценарист	Вернер Херцог Херберт Ахтернбуш
Главни улоги	Јозеф Бирбихлер Стефан Гутлер Клеменс Шајц Сонја Скиба
Музика	Попол Вух
Кинематографија	Јург Шмит-Рајтвајн
Монтажа	Беате Маинка-Јелингхаус
Студио	Вернер Херцог Филм продукција
Дистрибутер	Вернер Херцог Филм продукција
Премиера	1 декември 1976 (1976-12-01) (Филмски Фестивал Лондон) 17 декември 1976 (1976-12-17) (Западна Германија)
Времетраење	94 минути
Земја	Западна Германија
Јазик	германски

Заплет

Во филмот се работи за баварски град од 18 век со фабрика за производство на стакло која произведува брилијантно црвено рубино стакло. Кога умира главниот мајстор за производство во фабриката, тајната за производство на рубинското стакло е изгубена. Локалниот барон и сопственикот на фабриката е опседнат со рубинското стакло и верува дека тоа има магични својства. Со губењето на тајната, тој наскоро полудува заедно со останатите граѓани. Главниот лик е Хиас, човек кој има супер моќ, односно кој може да гледа во иднината и живее на ридовите, кој предвидува уништување на фабриката во пожар.