Српски ’рт
Српски ’рт или српски загар — пасмина ловечки кучиња, по потекло од Србија, што му припаѓа на семејството загари.[1]
| |||||||||||||||||||
| Потекло | Србија | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
| |||||||||||||||||||
| куче (Canis lupus familiaris) | |||||||||||||||||||
Потекло
уредиПрипадниците на оваа пасмина кучиња потекнуваат од Србија, а нивните предци биле загари кои на овие простори дошле од Мала Азија.[1]f> Тие се појавија на почетокот на 20 век., а во 1924 година, за првпат бил писмено воспоставен стандардот за оваа пасмина. Брзо се раширил низ цела поранешна Југославија, поради одличните ловечки вештини. До крајот на 20 век, оваа пасмина се проширила на целиот Балкански Полуостров. Сепак, иако е многу корисна пасмина, многу ретко се среќава во земјите надвор од Балканот.[1]
Особини на пасмината
уредиИзглед
уредиСрпскиот загар во изгледот ги соединува силата и елеганцијата. Има долга глава, со средно долги уши што паѓаат рамно на образите. Нозете му се силни, а колковите благо подигнати. Влакното му е кратко, бујно, сјајно и донекаде грубо. Основната боја на влакното е лисичја црвена или жолтоцрвена со црно крзно. Крзното допира до главата со црни дамки на двете слепоочници, дозволена е белина на градите со дијаметар до два сантиметра.[2] Висината на мажјаците се движи од 46 до 54, а на женките од 44 до 52 сантиметри. Тежината на мажјаците во просек се движи од 18 до 20 килограми, додека женките во просек се 3 до 8% полесни од мажјаците.[1]
Темперамент
уредиТој е исклучително темпераментен, многу активен и полн со енергија. На прв поглед, можете да видите дека ова се многу издржливи кучиња. Има многу квалитетни особини, исклучително е интелигентен и прониклив. Сака да учи и да му угодува на сопственикот, снаодлив е и ако правилно се социјализира одлично ќе се сложува со децата. Не се препорачува да се чува со други животни, особено со помали од него, бидејќи има вроден ловечки нагон.[1]
Животен век
уредиЖивотниот век на оваа пасмина е од 12 до 15 години.[2]
Поврзано
уредиНаводи
уреди- ↑ 1,0 1,1 1,2 1,3 1,4 „Српски гонич, најраспрострањенији ловачки пас на нашим просторима” Архивирано на 4 март 2017 г., ljubiteljipasa.com
- ↑ 2,0 2,1 Српски гонич[мртва врска][мртва врска], zivotinje.rs
Надворешни врски
уреди- Српски ’рт, кинолошко здружение на Република Србија