Херакле

Херкул или Херкулес е римското име за грчкиот полубог Херакле, син на Зевс (римски: Јупитер) и на смртната Алкамена. Најстарите римски извори укажуваат дека увезениот грчки јунак се надоврзува на митскиот италијански овчар Рекаранус или Гаранус, познат по својата физичка сила. Покрај наследените митски и иконографски особини од грчкиот јунак, римскиот Херкул се одликувал и со низа особини кои биле типично римски.

Херкулес, позлатена бронза од 2 век п.н.е. (Капитолински музеи)

Иако бил победник и голем воин, според митовите, Херкул бил способен и за измами и нефер трикови за да постигне победа. Бил познат по тоа што го направил светот побезбеден за човештвото, бидејќи уништил многу опасни чудовишта. Неговото жртвување за луѓето му обезбедило одобрување и заштита од боговите.

Прикажан е со наметка од лавовска кожа и топуз. На мозаиците е со темен исончан тен.