Скопска Црна Гора: Разлика помеѓу преработките

'''Скопска Црна Гора''' — средновисока [[планина]] во [[северна Македонија|северниот дел на Македонија]]. Се издига помеѓу [[Скопска Котлина|Скопската Котлина]] од југ, [[Кумановска котлина|Кумановската Котлина]] од исток, Гниланската од север (во [[Косово]]) и долината на река [[Лепенец]] од запад. Планината се протега во правец ЈЗ-СИ, со највисок врв [[Рамно (врв)|Рамно]] (1.651&nbsp;м). Останати повисоки врвови се Соколовец и Душановец. Настаната е со [[расед]]нување. Составена е од кристалести [[шкрилец|шкрилци]] и еруптивни карпи, преку кои лежат [[мезозоик|мезозојски]] карпи и терциерни седименти. Со долината на [[Липковска Река]] поделена е на два дела: западен повисок и источен понизок познат под името [[Карадак]]. На Скопска Црна Гора се наоѓаат изворишта на поголем број речни текови. Целиот крај околу планината понекогаш се вика Црногорија и е многу богат со цркви и манастири, на пример манастирите Матејче и Свети Ѓорѓи на источната страна и манастирите Свети Архангел и Света Богородица на западната страна.<ref>''Т. Андоновски, И. Милевски, Геоморфолошки карактеристики на Кумановската Котлина, „Географски разгледи“, кн. 36, Скопје, 2001''</ref>