Митотичката фаза е најдолгиотрелативно краток период од клеточниот циклус. Таа се одвива наизменично со многу подолгата [[интерфаза]], во која клетката се подготвува за делба. Интерфазата е поделена на три потфази: G<small>1</small> („first gap“ или „празнина“), S (синтеза) и G<small>2</small> („second gap“ или „празнина“). За време на сите овие фази, клетката расте со производство на белковини и цитоплазматични [[Органела|органели]]. Меѓутоа, хромозомите се [[Репликација|реплицираат]] само за време на S-фазата. На овој начин клетката расте (G<small>1</small>), продолжува да расте со удвојување на своите хромозоми (S), расте уште повеќе и се подготвува за митоза (G<small>2</small>) и на крајот се дели (M) пред повторното започнување на циклусот.<ref name=Blow2005/> Сите овие потфази на интерфазата се регулирани главно преку белковини. Тие следуваат една по друга во строг редослед, а постојат и „контролни точки“ кои и даваат на клетката сигнали за премин од една во друга фаза.
