Македонија во Втората балканска војна: Разлика помеѓу преработките

 

Најголемиот товар и најбројните жртви во Балканските војни ги поднел македонскиот народ. Македонскиот народ на различни начини и во разни вооружени формации учествувал во војните, самостојно или во составот на бугарската, на српската или на грчката војска. Силната пропаганда на соседните држави дека војната против турската војска имала за цел ослободување на христијанското население од петвековното османлиско владеење и големата омраза против султановиот режим била мотив македонскиот народ да се вклучи во таа војна.

По завршувањето на [[Прва балканска војна|Првата балканска војна]], односно по [[Битолска битка|Битолската битка]], кога еден полк на српската војска влегол во Охрид, во кој веќе три дена функционирала месната власт воспоставена со помош на македонските чети, при обидот да се воспостави српска власт, остро се спротивставил војводата [[Петар Чаулев]], член на ЦК на [[ВМРО]]. Во таа расправија, командантот на српскиот полк се пофалил дека според [[Српско-бугарска спогодба|Српско-бугарската спогодба]] од [[13 март]] во [[1912]] година, Македонија е поделена меѓу [[Србија]] и [[Бугарија]] и според тоа во [[Охрид]] треба да се воспостави српска власт.