Сојузно Министерство за внатрешни работи (Германија)
Сојузното Министерство за внатрешни работи — едно од министерствата на Германија.
| Сојузно Министерство за внатрешни работи (Германија) | |
|---|---|
| |
| Новата зграда на Сојузното Министерство за внатрешни работи во Берлин на 24 август 2013 година. | |
| Податоци за органот | |
| Надлежност | Германија |
Активност
уредиМинистерството за внатрешни работи во Германија е одговорно за спроведување на внатрешната безбедност и заштита на уставниот поредок, заштита на цивилите од катастрофи и тероризам, административни работи, спорт, градежништво и прашања кои се однесуваат за заедницата. Министерството издава пасоши, лични карти, дозволи за поседување огнено оружје, дозволи за складирање експлозиви итн.
Во 2004 година, Министерството создало и антитерористички центар кој обезбедува размена на информации и аналитички форум за сите германски полицајци и разузнавачки агенции вклучени во борбата против тероризмот.
Организација вработени
уредиМинистерството е предводено од министер, како и двајца парламентарни државни секретари - членови на владата со статус на заменик министер, зависни од промените во владата и двајца кариерни државни секретари, кои се државни службеници и се независни од владата.
Еден кариерен државен секретар раководи со одделенијата П, Б, ИС и М, како и со мрежата за управување со кризи и оперативната група за контраразузнавање, додека друг раководи со одделите З, Г, Д, О, СП и В, како и со Дирекцијата за информатичка технологија, заштита на податоци и слобода на информации.
Одделенија
уреди- „П“ е полициското одделение на министерството, има две гранки: агенции за спроведување на законот и единици за борба против тероризмот.
- „ИС“ е оддел за внатрешна безбедност чија функција е да ја заштити германската држава од политички екстремизам.
- „Б“ ја контролира и раководи германската Федерална полиција.
- „М“ е одговорна за имиграцијата, интеграцијата на бегалците и европското усогласување.
- „З“ е централната канцеларија.
- „Г“ е одговорен за политиката во однос на Европа и меѓународните настани.
- „Д“ е надлежен за државната служба.
- „О“ е одговорен за административната модернизација на организацијата.
- „СП“ е одговорен за спортот.
- „В“ е одговорен за уставното, државното, управното и европското право.