Славка Недиќ

Славка Неделко Недиќ ( 1917 во Скопје — 1944 во Власотинце, Србија) — македонска партизанка, борец за слобода на Македонија и учесник во НОВ.

Животопис

Живеела, учела и работела како професорка во Скопје. По окупацијата на земјата го напуштила својот роден град. Во 1941 година стапила во партизански одред. Четири години поминала во партизански единици, водејќи борби против окупаторот на боиштата низ цела Југославија. Служела за пример со својата храброст и совесност во извршувањето на поставените задачи. Во 1944 година со својата единица, дејствувала во Црна Трава. Во борбите против непријателот на позициите кај Власотинце била ранета и заробена од четниците, кои веднаш потоа ја стрелале.