Засекогаш вљубени

Засекогаш вљубени (шпански јазик: Juro Que Te Amo) е мексиканска теленовела. Серијата во Мексико со прикажување започна на 28 јули 2008 во ударниот термин заменувајќи ја теленовелата Бура во рајот. Во главните улоги се појавуваат Ана Бренда Контрерас и Хосе Рон.

Засекогаш вљубени
Жанр	драма теленовела
Создадена од	Лилијана Абуд
Улоги	Ана Бренда Контрерас Хосе Рон Патрисија Навидад Алехандро Авила
Земја на потекло	Мексико
Првичен јазик	шпански
Бр. на епизоди	140
Производство
Извршен продуцент(и)	Марта Патрисија Лопес де Затараин
Времетраење	45 минути
Прикажување
Првична мрежа	Канал 2
Првично прикажување	28 јули 2008 – 6 февруари 2009
Хронологија
Следбеник	Љубовно лето 2009
Надворешни врски
Мрежна страница	www2.esmas.com/juro-que-te-amo

Серијата кај нас моментално се емитува на Сител телевизија.

Синопсис

Виолета Мадригал е млада и убава девојка која живее во село со своите родители Амадо и Антонија, и браќата Хулио, Лиа и Даниел. Нејзиното семејство било најбогато во селото пред да го изгубат богатството, а со тоа виделе колку луѓето се дволични. Хустино Фрегосо, најмоќниот човек во селото се збогатил на сметка на семејството Мадригал. Неговата сопруга, Малена Фрегосо, ужива во богатството, а ќерката Мариела константно ја понижува Виолета. Амадо отсекогаш го обвинувал својот братучед Маријано Ласкано за својата несреќа, бидејќи тој бил партнер во фирмата и решил да ги повлече парите откако неговата вереница Антонија решила да се венча со Амадо. Поминале многу години, Амадо ги натерал децата да го мразат Маријано, а пак тој е несреќен со својата жена Леонора и децата Ренато, Пабло и Ивана кои мислат само на себе. По смртта на Амадо, Виолета мора да го исполни последното ветување што му го дала – да работи за да го извлече семејството од сиромаштија. Мариела Фрегосо ја понижува и двете се борат за љубовта на Макс, сѐ додека Виолета не го сретнува Хосе Марија, младо момче кое веднаш сфаќа дека Виолета е жената на неговиот живот. Хосе Марија сака да ја освои, но Виолета е заслепена од неискуството и од Макс и мисли дека него го сака. Ситуацијата на семејството Мадригал се влошува и тие мора да живеат во куќата на Ласканови, каде што мора да ја трпат Фауста, тетката на Леонора, која ги мачи и ги гледа како страдаат само за забава. Семејството Мадригал тешко ќе созреат, но барем ќе бидат заедно.

Улоги

Глумци	Ликови
Ана Бренда Контрерас	Виолета Мадригал
Хосе Рон	Хосе Марија Алдама
Патрисија Навидад	Антонија де Мадригал
Алехандро Авила	Маријано Ласкано
Луис Хосе Сантандер	Амадо Мадригал
Алексис Ајала	Хустино Фрегосо
Флоренсија де Саранчо	Мариела Фрагосо
Марсело Кордоба	Максимилиано Куелар

Надворешни врски

• Официјално мрежно место Архивирано на 7 август 2008 г.