Северен Тирол

Северен Тирол (германски: Nordtirol) — главен дел на австриската покраина Тирол, сместена во западниот дел на земајта. Другиот дел на покраината е Источен Тирол, кој исто така е во Австрија, но не се граничи со Северен Тирол.

Северен Тирол во рамките на поголемиот еврорегион Тирол

Покрај овие две области, историската област Тирол долги векови ги опфаќала и Јужен Тирол и областа Трентино (Италијански Тирол), предадени на Италија по Првата светска војна. Со тоа, Северен и Источен Тирол останале отцепени од остатокот од областа. По војната се јавило силно движење за обединување на Северен Тирол со германската покраина Баварија.

Северен Тирол се граничи со покраината Салцбург на исток, Баварија во Германија на север, Предарлска на запад, кантонот Граубинден (Гризон) во Швајцарија на југозапад и Јужен Тирол во Италија на југ. Седиште и најголем град е Инсбрук.

Поврзано

• Тирол
• Тирол (покраина)
• Еврорегион Тирол-Јужен Тирол-Трентино

Надворешни врски

• Северен Тирол на Википатување (германски)
• Историја на местата во Северен Тирол (германски)