Свети Илија (врв)

Свети Илија (грчки: Προφήτης Ηλίας, Профитис Илијас) — највисокиот врв на планината Боздаг (Драмски Боздаг) во Драмско, Егејска Македонија. Висок е 2.232 м. Се наоѓа во пределот Дебелина во средниот дел на планината. Врвот е доста изложен, гол и каменлив, покриен со сиромашна растителност. Има впечатлив конусовиден облик гледан од соседниот врв Карталка.

Свети Илија
Προφήτης Ηλίας
Свети Илија гледан од соседниот врв Вардина
Највисока точка
Надм. вис.	2.232 м
Координати	41.2935° СГШ; 24.0944° ИГД / 41.2935; 24.0944
Географија
Свети Илија на карта
Место	Драмско, Егејска Македонија
Матичен венец	Боздаг

Од соседниот врв Вардина е одделен со длабокото седло Ноштвите. На југозапад Свети Илија се граничи со карстна пропаст длабока преку 1.300 м; таа е една од најзабележителните глетки на планината.

Во западното подножје на врвот на 2.111 м.н.в. е сместена пропасната пештера Снежницата (Χιονότρυπα, Хионотрипа), која е длабока преку 100 м. Таму проаѓа скијачки спуст и жичница на скијачкиот центар „Боздаг“ („Фалакро“).

Галерија

• 
  Поглед на Св. Илија од Карталка
• 
  Карстната пропаст под врвот (во средина, во далечината)

Поврзано

• Боздаг